ەلوردالىقتار سەنبىلىك كەزىندە 16 مىڭ اعاش ەگەدى - ءا. جاقسىبەكوۆ

استانا. قازاقپارات - بۇگىن ەلوردا اكىمى ادىلبەك جاقسىبەكوۆ 100 مىڭ استانالىقپەن بىرگە جالپى قالالىق سەنبىلىككە شىقتى.

«بۇگىن قالا بويىنشا 16 مىڭنان استام اعاش ەگىلىپ، بارلىق كوشەلەر تازالاناتىن بولادى. بۇگىنگى سەنبىلىككە شىققان بارلىق ەلوردالىقتارعا شىنايى ريزاشىلىعىمدى بىلدىرەمىن. ءوز قالاڭدى تازا ۇستاۋ ونىڭ تۇرعىندارىنىڭ دا زور جاۋاپكەرشىلىگى دەپ بىلەمىن»، - دەگەن قالا باسشىسى ق ر ۇلتتىق مۋزەي جانىنداعى ساياباققا ءوز قولىمەن ءسىبىر شىرشاسىن وتىرعىزدى.

ايتا كەتەرلىگى، سەنبىلىككە 100 مىڭنان استام ادام قاتىسۋدا، سونىڭ ىشىندە 4000 عا جۋىق كاسىپورىن مەن ۇيىم، 200 دەن استام دەنساۋلىق ساقتاۋ جانە ءبىلىم مەكەمەسى، 130 دان ارتىق مەملەكەتتىك مەكەمە، ۆەدومستۆولار مەن ۇلتتىق كومپانيالار بار. قالالىق كوممۋنالدىق قىزمەتتەردەن 885 كە جۋىق تەحنيكا بىرلىگى تارتىلعان.

سونىمەن قاتار، ستۋدەنتتەر مەن اسكەري بولىمشەلەردىڭ اسكەري قىزمەتكەرلەرىن تارتا وتىرىپ، ەسىل، اقبۇلاق جانە سارىبۇلاق وزەندەرىنىڭ ارنالارى قوقىس پەن تۇرمىستىق قالدىقتاردان تازارتىلۋدا.

اۆتور: مارلان جيەمباي