مىسىر مەن ساۋد ارابياسى بىرىگىپ 16 ميلليارد دوللاردىڭ قورىن قۇرادى

استانا. قازاقپارات - مىسىر مەن ساۋد ارابياسىنىڭ بيلىگى 60 ميلليارد ريال كولەمىندە (16 ميلليارد دوللار) بىرلەسكەن ينۆەستيتسيالىق قور قۇرۋ تۋرالى كەلىسىمگە قول قويدى.

بۇل تۋرالى بي- بي- سي اگەنتتىگى حابارلادى.

كەلىسىمگە مىسىر پرەزيدەنتى ابدەل فاتتاح اس- سيسي مەن ساۋد ارابياسىنىڭ كورولى سالماننىڭ قاتىسۋىمەن قول قويىلدى.

سونداي- اق تاراپتار سيناي تۇبەگىن دامىتۋ ءۇشىن ەركىن ەكونوميكالىق ايماق قۇرۋ تۋرالى جازىلعان نيەت مەموراندۋمىنا قول قويىلعان.

كاير مەن ەر- رياد سۋەتس ارناسىنىڭ جانىنداعى سيناي يندۋستريالىق ايماعىندا جالپى قۇنى 3,3 ميلليارد دوللاردىڭ جوبالارىن دامىتۋعا كەلىستى. بۇدان باسقا، باعاسى 2,2 ميلليارد دوللار ەلەكتر ستانساسىنىڭ قۇرىلىسى تۋرالى كەلىسىم جاسالدى.

 جۇما كۇنى كورول سالمان مىسىر مەن ساۋد ارابياسىنىڭ اراسىندا كوپىر سالىناتىنىن مالىمدەدى. ول جوبا تۋرالى ازىرگە ناقتى مالىمەت جاريا ەتىلمەدى.