قازاقستاندىق پارتيالار اراسىنداعى ساياسي پىكىرسايىس 16 -ناۋرىزدا وتەدى
سايكەسىنشە قاۋلى بۇگىن ق ر ورتالىق سايلاۋ كوميسسياسىنىڭ وتىرىسىندا قابىلداندى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12, 27 جانە 28 -باپتارىنا سايكەس 20 -ناۋرىزعا تاعايىندالعان پارلامەنت ءماجىلىسى دەپۋتاتتارىن سايلاۋعا پارتيالىق تىزىمدەرىن ۇسىنعان پارتيالاردىڭ ساياسي پىكىرسايىسىن ۇيىمداستىرۋ تۋرالى قاۋلى جوباسىن نازارلارىڭىزعا ۇسىنامىن. پىكىرسايىستىڭ «حابار» تەلەارناسىندا ۇيىمداستىرىلۋىن جانە 2016 -جىلعى 16 -ناۋرىزدا وتكىزۋ ۇسىنىسىن ەنگىزەمىن»، - دەدى قاۋلى جوباسىمەن تانىستىرعان ق ر و س ك مۇشەسى ءلاززات سۇلەيمەن.
سونىمەن قاتار ول ساياسي پىكىرسايىس وتكىزۋ رەگلامەنتىنىڭ جوباسىن دا ۇسىندى.
«ساياسي پىكىرسايىس پارلامەنت ءماجىلىسى دەپۋتاتتارىن سايلاۋعا پارتيالىق تىزىمدەرىن ۇسىنعان ساياسي پارتيالاردىڭ ءارقايسىسىنىڭ پىكىرسايىسقا قاتىسۋعا كەلىسىمى بويىنشا وتكىزەدى. و س ك پىكىرسايىس ءۇشىن بەلگىلەنگەن ەفير ۋاقىتىن پىكىرسايىسقا قاتىسۋعا نيەت بىلدىرگەن ساياسي پارتيالاردىڭ اراسىندا تەڭ جاعدايدا بولەتىن بولادى»، - دەگەن ول پىكىرسايىستىڭ 90 مينۋتقا دەيىن سوزىلۋى مۇمكىن ەكەنىگىن اتاپ ءوتتى.
ق ر و س ك مۇشەلەرى قاۋلى جوباسىن ءبىراۋىزدان قابىلدادى.
پىكىرسايىسقا قاتىسۋ ءۇشىن سايلاۋعا قاتىسۋشى ءاربىر ساياسي پارتيادان ءبىر وكىلدەن شاقىرىلادى. قاتىسۋشىلار جەكە باستى قارالاۋدان، ساياسي پارتيانىڭ، ونىڭ مۇشەلەرىنىڭ نامىسىنا، ابىرويى مەن ىسكەرلىك بەدەلىنە كورىنەۋ نۇقسان كەلتىرەتىن ءسوز ايتۋدان، باسقا ساياسي پارتيالاردىڭ وكىلدەرىن كەمسىتۋدەن اۋلاق بولىپ، جالپىعا بىردەي قابىلدانعان ادەپ نورمالارىن ساقتاۋعا ءتيىس.
رەسپۋبليكانىڭ كونستيتۋتسيالىق قۇرىلىسىن كۇشتەپ وزگەرتۋدى، ونىڭ تۇتاستىعىن بۇزۋدى، مەملەكەت قاۋىپسىزدىگىنە نۇقسان كەلتىرۋدى، الەۋمەتتىك، ناسىلدىك، ۇلتتىق، ءدىني، تەكتىك-توپتىق جانە رۋلىق ارازدىقتى قوزدىرۋدى، قاتىگەزدىك پەن زورلىق-زومبىلىققا باس ۇرۋدى، سونداي-اق زاڭنامادا كوزدەلمەگەن اسكەريلەندىرىلگەن قۇرالىمدار قۇرۋدى ناسيحاتتاۋعا جانە ۇگىتتەۋگە جول بەرىلمەيدى.
اۆتور: مارلان جيەمباي
