07:48, 17 - اقپان 2016 | GMT +5
مارك سۋكەربەرگ 16 كۇزەتشى جالداۋعا ءماجبۇر بولدى
استانا. قازاقپارات - Facebook الەۋمەتتىڭ جەلىسىنىڭ نەگىزىن قالاعان مارك سۋكەربەرگ ومىرىنە تونگەن قاۋىپكە بايلانىستى ءۇيىن كۇزەتۋ ءۇشىن 16 كۇزەتشى جالدادى.
بۇعان ميلليونەر ءوز اتىنا ينتەرنەت ارقىلى بىرنەشە رەت ءدوڭايبات جاسالعاننان كەيىن ءماجبۇر بولدى.
ءبىراق ازىرگە كىمنىڭ جانە قانداي ماقساتپەن بيزنەسمەندى قورقىتقانى بەلگىسىز، دەپ جازادى بريتاندىق Page Six باسىلىمى.
جۋرناليستەرگە دەرەككوزدىڭ حابارلاعانىنداي، سۋكەربەرگتىڭ پالو- التوداعى ءۇيىن (كاليفورنيا شتاتى) قازىرگى ۋاقىتتا 16 ارنايى ماماندانعان ادام كۇزەتۋدە.
ايتا كەتەر جايت، بۇدان باسقا دا پالو- التودا تۇراتىن اۋقاتتى بيزنەسمەندەردىڭ بارلىعى كۇزەت شتاتىن كوبەيتىپ جاتىر.
