قازاقستاندىق 16 جاسار وقۋشى گەننادي گولوۆكينگە ارناپ روبوت جاساپ شىعاردى

استانا. قازاقپارات - جالپى وسىنداي ونەرتاپقىشتاردىڭ قيالىنا قانات بىتىرەتىن اتاقتى ادامداردىڭ جەتىستىكتەرى نەمەسە يننوۆاتسيالىق جوبالار بولسا كەرەك.

ماسەلەن، سولتۇستىك قازاقستاندىق وقۋشى ءالىمحان بولات ەلىمىزدىڭ ماقتانىشى، كاسىپقوي بوكسشى گەننادي گولوۆكينگە ارناپ روبوت جاساپ شىعاردى.

ونەرتاپقىشتىڭ ەندىگى ارمانى - وسى تۋىندىسىن چەمپيوننىڭ وزىنە سىيعا تارتۋ. ءالىمحان بولاتتىڭ جاسى - 16 دا. ول پەتروپاۆلداعى نازاربايەۆ زياتكەرلىك مەكتەبىنىڭ 11-سىنىپ وقۋشىسى.

روبوت مودەلدەرىن جاساۋمەن شۇعىلدانىپ جۇرگەنىنە كوپ بولا قويماعان. دەگەنمەن جەتكىنشەك جاقسى ناتيجەلەرگە قول جەتكىزىپ ۇلگەرگەن. روبوت قالتا تەلەفون ارقىلى باسقارىلادى. استانادا وتكەن رەسپۋبليكالىق بايقاۋدا الدىڭعى ورىننان كورىندى.

بۇل كاسىپقوي بوكستا جەڭىلىستىڭ ءدامىن تاتىپ كورمەگەن داڭقتى جەرلەسىمىز گەننادي گولوۆكيننىڭ سوڭعى جەكپە-جەگى. بىلعارى قولعاپ شەبەرىنىڭ جەڭىسى بولاتقا شابىت بەرگەنى ايدان انىق. ول بىردەن چەمپيوننىڭ روبوتىن قۇراستىرىپ شىعارعان.

ءالىمحان بولات، جاس ونەرتاپقىش - قازاقستاننىڭ بوكسشىلارى وتە كوپ. گولوۆكين ماعان ۇناعان سوڭ جانە دە قازاقستاننىڭ ماقتانىشى بولعان سوڭ، بوكسشىعا ارناپ وسى روبوتتى جاسادىم. گەننادي گولوۆكين سياقتى ءوزىمنىڭ اتىمدى الەمگە تانىتقىم كەلەدى.

قالادا روبوت قۇراستىرۋ ۇيىرمەسىنىڭ اشىلعانىنا 3 جىلداي ۋاقىت بولدى. بۇنداعى جەتكىنشەكتەر ىزدەنىس پەن ەڭبەكتىڭ ارقاسىندا تالاي جەتىستىككە جەتكەن. ونى ۇستازدارى دا ماقتان تۇتادى.

دانيار ۋاليەۆ، ۇيىرمە جەتەكشىسى - قازىرگى تاڭدا 9 وقۋشىم گرانتتا وقىپ جاتىر. ولار وسى روبوت تەحنيكانىڭ ارقاسىندا ۇ ب ت تاپسىرماي، استاناداعى ل. گۋميليەۆ اتىنداعى ەۋرازيالىق ۇلتتىق ۋنيۆەرسيتەتىندە ءدارىس الىپ جاتىر. بىرەۋى تۋركيادا وقىپ جاتىر. بۇگىندە بۇنداعى ۇيىرمەگە ءالىمحان سياقتى 100  گە تارتا جاس ونەرتاپقىشتار قاتىسادى. ولاردىڭ ءارقايسىسى بولاشاقتا ءوز يدەيالارىن جۇزەگە اسىرۋ ارقىلى ەل دامۋىنا ۇلەس قوسۋدى ارماندايدى.

«حابار» ارناسى