تۋريستەرگە ەڭ ءدامدى اس ۇسىناتىن الەمنىڭ 16 قالاسى اتالدى
بۇل تىزىمدە ءبىرىنشى ورىندى توكيو قالاسى الادى. سۋشيدەن باسقا، مۇندا ءدامدى اس ىشكەندى ۇناتۋشىلارعا دوڭىز ەتى مەن تەڭىز جانۋارلارى قوسىلعان ماۋسىمدىق قوسپالارى بار تاعامدار ۇسىنىلادى.
ودان كەيىنگى ورىندا - حانوي قالاسى. مۇندا ۆەتنامدىق اس ءمازىرىنىڭ اششى، ءتاتتى، قىشقىل دامدەرى ۇيلەسىم تاپقان تاماقتان ءدام تاتىپ كورە الاسىز. قىشقىل- ءتاتتى سورپا، دوڭىز جانە بالىق ەتىنەن جاسالعان سوۋس ت. س. س. تاعامدار قالاعا ساياحاتتاپ كەلگەندەردىڭ كوڭىلىنەن شىعىپ ءجۇر.
ءۇشىنشى ورىننان لوندون قالاسى كورىندى. بريتان استاناسىندا مەيرامحانا، بارلار اسا كوپ، دەمەك اس ءمازىرىنىڭ الۋاندىعى مول.
سونداي-اق The Telegraph تىزىمىندە «اسا ءدامدى» شاھارلار رەتىندە ۇندىلىك دجايپۋر، امەريكاندىق نيۋ-يورك جانە جاڭا ورلەان، ارگەنتينالىق مەندوس، يتالياندىق بولونيا، فرانسۋزدىق ليون، تايلىق بانگكوك، يسپاندىق بارسەلونا، دانيا استاناسى كوپەنگاگەن، پەرۋاندىق استانا ليما، ماروككولىق فەس، قىتايلىق چاندۋ قالالارى اتالعان.
