الماتىدا ءۇيى ورتەنىپ، باسپاناسىز قالعان 16 وتباسىعا كومەك كورسەتىلدى

ايتا كەتەيىك، بۇگىن تۇنگى 01:30 دا جەتىسۋ اۋدانى توباياقوۆ كوشەسىندەگى 112 باراك تيپتەس ءۇي ورتەنىپ، 16 وتباسى، ونىڭ ىشىندە 60 ۇلكەن كىسى، 18 ى كامەلەتتىك جاسقا تولماعان جاس ءوسپىرىم باسپاناسىز قالدى. قىزىل جالىن 1000 شارشى مەتر اۋماقتى شارپىدى.

جەتىسۋ اۋداندىق اكىمدىگى جاپا شەككەن تۇرعىنداردى ۋاقىتشا پاتەرلەرگە جانە جاقىن ماڭايدا ورنالاسقان قوناق ءۇي تيپتىك جاتاقحاناعا ورنالاستىردى.

سونداي- اق، اكىمدىك حالىققا قىزمەت كورسەتۋ ورتالىعىنىڭ باسشىلىعىنا زارداپ شەككەن ازاماتتاردىڭ جەكە كۋالىكتەرىن جانە ءۇي قۇجاتتارىن قايتا قالپىنا كەلتىرۋگە تەز ارادا كومەك كورسەتۋدى تاپسىردى.

وقيعا ورنىندا ارەكەت ەتكەن كوميسسيانىڭ باستاماسىمەن مەكتەپكە باراتىن بالالاردىڭ ءتىزىمى قۇرىلدى. بولاشاقتا بارلىق بالا مەكتەپ فورماسىمەن، كىتاپتار جانە كەڭسە جابدىقتارىمەن قامتاماسىز ەتىلەدى.

جەتىسۋ اۋدانى اكىمدىگىنىڭ اپپاراتىنان حابارلاعانداي، ت ج د- دان ءتيىستى انىقتامالارىن العاننان كەيىن جاپا شەككەن وتباسىلارعا اۋىر ومىرلىك جاعدايعا تاپ بولعانىنا بايلانىستى ءبىر رەتتىك ماتەريالدىق كومەك الۋعا ىقپال ەتىلەدى.

اۆتور: گۇلميرا عوسمانالي