بيىل 16 مىڭنان استام ماس جۇرگىزۋشى كۋالىگىنەن ايىرىلدى
بۇل تۋرالى بۇگىن ورتالىق كوممۋنيكاتسيالار قىزمەتىندە جوعارعى سوت سۋدياسى نۇرجان قايىپجان ءمالىم ەتتى.
«بيىل ءبىرىنشى جارتىجىلدىقتا اۋداندىق جانە قالالىق سوتتارعا 541409 ازاماتتىق جانە اكىمشىلىك ارىز كەلىپ ءتۇستى. بۇل 2014 -جىلدىڭ سايكەس كەزەڭىنە قاراعاندا، 14210 از. ازاماتتىق ىستەردىڭ 314903 سوڭىنا جەتكىزىلسە، 190544 قاتىستى سوت شەشىمى شىقتى. جالپى سوت اكتىلەرىنىڭ 98 پايىزى زاڭدى دەپ تانىلدى.
اكىمشىلىك ىستەر %2,7 عا قىسقارىپ، 200160 ءىستى قۇرادى. ازاماتتىق ارىزداردىڭ 7 324 ى بالاما جولدار ارقىلى بەيبىت شەشىلدى. اتاپ ايتقاندا، 4539 ءىس - كەلىسىم جاساۋ ارقىلى، 2785 ءىس - مەدياتورلاردىڭ كومەگىمەن شەشىلدى»، - دەپ اتاپ ءوتتى ن. قايىپجان.
ونىڭ اتاپ كورسەتكەنىندەي، اكىمشىلىك قۇقىق بۇزۋشىلىقتار تۋرالى ىستەردە نەگىزىنەن كولىكتى ماس كۇيدە جۇرگىزگەن ادامدارعا قاتىستى بولدى.
«2015 -جىلى ءبىرىنشى جارتىجىلدىقتا 16873 جۇرگىزۋشى ماس كۇيدە رولگە وتىرعانى ءۇشىن كۋالىكتەرىنەن ايىرىلدى. بۇل وسى ساناتتاعى ىستەردىڭ 87 پايىزىن قۇراپ وتىر»، - دەپ ءتۇيدى ويىن ول.
اۆتور: ءابۋ-اسقار مەكەش ۇلى
