08:30, 11 - ماۋسىم 2015 | GMT +6
حالىقارالىق فۋتبول فەدەراتسياسىنىڭ پرەزيدەنتىن سايلاۋ 16- جەلتوقسانعا جوسپارلاندى
استانا. قازاقپارات - حالىقارالىق فۋتبول فەدەراتسياسىنىڭ (ف ي ف ا) پرەزيدەنتىن سايلاۋ الدىن الا 2015-جىلعى 16- جەلتوقسانعا جوسپارلاندى.
ناقتى كۇنى شىلدەدە انىقتالادى، سايلاۋدىڭ تسيريۋحتا وتەتىنى بەلگىلى بولدى، دەپ مالىمدەدى BBC.
2- ماۋسىمدا ف ي ف ا پرەزيدەنتى زەپپ بلاتتەر ۇيىمدا ورىن العان سىبايلاس جەمقورلىق جانجالعا قاتىستى وتستاۆكاعا كەتۋگە شەشىم قابىلداعانىن ايتقان بولاتىن. وعان ازىرگە ەشقانداي حابارلاما بەرىلگەن جوق، الايدا تەرگەۋ جالعاسۋدا. بلاتتەر جاڭا سايلاۋدا ءوز كانديداتۋراسىن ۇسىنبايدى، ءبىراق سايلاۋعا دەيىن فەدەراتسيا پرەزيدەنتى مىندەتىن اتقارا بەرەدى.
بۇدان بۇرىن بەلگىلى بولعانداي، ف ي ف ا- داعى سىبايلاس جەمقورلىققا قاتىسى بار دەلىنگەن كۇدىكتى الەحاندرو بۋرساكو يتالياندىق سوتقا ەرىكتى تۇردە بەرىلدى.