سۇيىكتىسىن 16 قۋىرشاققا ايىرباستاعان ايەل

استانا. قازاقپارات - جىگىتىنەن گورى قۋىرشاقتارعا كوڭىلى اۋعان ەيپريل برۋكەر (AprilBrucker) اتتى امەريكالىق بويجەتكەن ونىمەن قارىم-قاتىناسىن ءۇزىپ تىندى.

سەبەبى سول جانسىز 16 ويىنشىقتى «بالام» دەپ اتاعان ەيپريل ءتىپتى قۋىرشاقتارعا جەكە بولمە ءبولىپ قويىپتى. وسىنىڭ بارىنە شامدانعان جىگىت وعان قۋىرشاقتاردى نەمەسە ءوزىن تاڭداۋىن بۇيىرىپتى.

باستاپقىدا ءتىرى جاندى قالاعان قىز سەگىز ايدان سوڭ اينىپ، ويىنشىقتارمەن قالۋدى ۇيعارعان. ول مۇنىسىن جانسىز بولسا دا، كوڭىلىنە مەدەۋ بەرەتىن قۋىرشاقتارىنسىز تۇرا المايتىندىعىمەن ءتۇسىندىرىپتى.

ءبىر جاعىنان، جىگىتىمەن بولعان 4 ايدان سوڭ ول ونىمەن وتباسىن قۇرعان جاعدايدا قۋىرشاقتاردى وزىمەن بىرگە الدىرتپايتىنىن ايتقان ەكەن. جالپى برۋكەر ولارمەن تۇرعان 10 جىل ىشىندە ويىنشىقتارعا كيىم الۋ، شاش ۇلگىسىن جاساۋ ءۇشىن شامامەن 200 مىڭ ا ق ش دوللارىن جۇمساپتى، دەپ جازادى lenta.ru.

گ. ابيلوۆا

www.24.kz