استانادا ءۇش كۇندە 16 ەرەكشە وپەراتسيا جاسالدى

استانا. قازاقپارات - بالعىنداردىڭ جۇرەگىنە جاسالعان وپەراتسيانىڭ ەرەكشەلىگى سول - قازىر بۇرىنعىداي جۇرەك تۇسىن كوپ كولەمدە تىلمەيدى.
None
None

ءۇش كۇندە 16 ەرەكشە وپەراتسيا. استاناداعى كارديوحيرۋرگيالىق ورتالىقتا جۇرەگىنىڭ اقاۋى بار ناۋقاستارعا رەسەيلىك حيرۋرگتىڭ قاتىسۋىمەن 16 وپەراتسيا جاسالدى.

1 جاستان 19 جاسقا دەيىنگى بالعىنداردىڭ جۇرەگىنە جاسالعان وپەراتسيانىڭ ەرەكشەلىگى سول - قازىر بۇرىنعىداي جۇرەك تۇسىن كوپ كولەمدە تىلمەيدى. جۇمىس بار بولعانى كولەمى 3 سانتيمەترلىك تىلىك ارقىلى جۇزەگە اسادى.

قازىر 16 بالانىڭ دا جاعدايى جاقسى. بالعىنداردىڭ 80 پايىزى - بوبەكتەر. ەڭ كىشىسى 1 جاستا، كوبى 3-4 تەگى بالعىندار. تاعى بىرەۋى 13 جاستا، ەڭ ۇلكەنى 19 دا. ولار جاقىندا ۇيلەرىنە شىعارىلادى.

ايدانا بەكەنوۆا، بايقوڭىر قالاسىنىڭ تۇرعىنى:

- تاماقتى جاقسى جەيدى، ءبىراق سالماق قوسپادى. كوگەرەتىن ەدى، اۋزىنىڭ ماڭايى. قازىر ونىڭ ءبارى كەتتى. تاماققا تابەتى دە وزگەردى. شارشايتىن بۇرىن، ءالسىز تۇعىن. قازىر ءبارى وزگەردى. العىسىم شەكسىز.

ساۋلە قادىروۆا، «ۇلتتىق عىلىمي كارديوحيرۋرگيالىق ورتالىعى» اق ينتەرۆەنسيالىق كارديولوگى:

- بىزگە شەبەرلىك ساباعىن وتكىزگەن رەسەيلىك اتاقتى حيرۋرگ وسى كەزگە دەيىن 200 دەن استام وپەراتسيا جاساعان. ءبىز دارىگەردەن ءبىراز نارسە ۇيرەندىك. ەندى مۇنداي وپەراتسيانى ءوزىمىز جاساي بەرەمىز.

ساۋلە الدامۇرات قىزى

«قازاقستان»

سوڭعى جاڭالىقتار