فيليپپيندە تايفۋن قۇرباندارىنىڭ سانى 169 عا جەتتى
كەم دەگەندە 107 ادام جارالاندى، تاعى 50 ادام ءىز- ءتۇزسىز جوعالىپ كەتتى، دەپ حابارلايدى قازاقپارات The Manila Times باسىلىمىنا سىلتەمە جاساپ.
بيلىكتىڭ مالىمەتىنشە، قازا تاپقانداردىڭ ەڭ كوپ سانى ورتالىق ۆيسايا ايماعىندا - 129 ادام، باتىس ۆيسايا ايماعىندا – 22، كاراگا ايماعىندا – 10، سولتۇستىك مينداناودا - جەتى، زامبوانگا تۇبەگىندە تاعى ءبىر ادام تىركەلگەن. بۇعان دەيىن France-Presse اگەنتتىگى تابيعي اپات سالدارىنان 108 ادامنىڭ وپات بولعانىن حابارلاعان.
فيليپپيننىڭ شىعىس ۆيسايا ايماعىنىڭ بيلىگى تايفۋننىڭ جاقىنداۋىنا بايلانىستى 82 مىڭنان استام جەرگىلىكتى تۇرعىندى ەۆاكۋاتسيالادى. تۇرعىندار وڭتۇستىك لەيتە، لەيتە، سامار، شىعىس سامار، سولتۇستىك سامار جانە بيليران پروۆينتسيالارىنداعى 274 ەۆاكۋاتسيالىق ورتالىققا كوشىرىلدى. ۆەتنامنىڭ گيدرومەتەورولوگيالىق بولجاۋ ۇلتتىق ورتالىعىنىڭ مالىمەتىنشە، تايفۋننىڭ ەپيتسەنترى ۆەتنامنىڭ بيندين پروۆينتسياسىنا قاراي جىلجۋدا.
