13:15, 15 - جەلتوقسان 2014 | GMT +5
تاۋەلسىزدىك كۇنىنە وراي 168 وتباسى ارەندالىق پاتەرگە يە بولدى - تالدىقورعان - فوتو
تالدىقورعان. قازاقپارات - تاۋەلسىزدىك كۇنى قارساڭىندا تالدىقورعان قالاسىندا 168 وتباسىنا جاڭا پاتەرلەردىڭ كىلتى تابىس ەتىلدى.
الماتى وبلىسى اكىمىنىڭ ءبىرىنشى ورىنباسارى ماحاببات بيگەلديەۆ پەن تالدىقورعان قالاسىنىڭ اكىمى ەرمەك الپىسوۆ پاتەر يەلەرىن قونىس تويىمەن قۇتتىقتاپ، كىلتتەرىن تابىس ەتتى.
168 پاتەرلىك ءۇي 9, 7 جانە 5 قاباتتى ءۇش بلوكتان تۇرادى. سونىڭ ىشىندە 117 پاتەر - ءبىر بولمەلى، 51 ى - ەكى بولمەلى پاتەرلەر.
«قولجەتىمدى باسپانا 2020» باعدارلاماسى اياسىندا «تالدىقورعان قالاسى قۇرىلىس ءبولىمىنىڭ» تاپسىرىسىمەن سالىنعان ءۇيدىڭ قۇرىلىسى 2012 - جىلدىڭ قاراشاسىندا باستالعان. ونى سالۋ ءۇشىن بيۋدجەتتەن 823516500 تەڭگە بولىنگەن. باس مەردىگەرى - «سنۋكەر» ج ش س.
