قازاقستاندىق 167 مىڭ جۇرگىزۋشى كۋالىگىن ونلاين اۋىستىردى
ونلاين-قىزمەتتەر ىسكە قوسىلعان ساتتەن باستاپ ولاردى 7 ميلليوننان استام ازامات پايدالاندى، ونىڭ ىشىندە 167 مىڭ ادام جۇرگىزۋشى كۋالىگىن اۋىستىرعان، - دەپ حابارلايدى Polisia.kz سايتى.
اۆتوكولىكتى باسقارۋدىڭ مىندەتتى شارتتارىنىڭ ءبىرى - جارامدى جۇرگىزۋشى كۋالىگىنىڭ بولۋى. جۇرگىزۋشى كۋالىگى مەن تەحپاسپورتتى الىپ ءجۇرۋدى مىندەتتەمەۋ ماقساتىندا ءى ءى م ولاردى «سيفرلاندىردى» جانە قۇجاتتاردىڭ سيفرلىق انالوگتارىن پايدالانۋ ءۇشىن زاڭنامانى وزگەرتتى. بۇل قىزمەت كورسەتۋ مەرزىمىن ورتا ەسەپپەن 4-5 ەسەگە قىسقارتۋعا، قاعازباستىلىقتان ارىلتۋعا جانە ح ق ك و- لارداعى كەزەكتەردى ازايتۋعا مۇمكىندىك بەردى.
سونداي-اق ءى ءى م جۇرگىزۋشى كۋالىكتەرىنىڭ قولدانىلۋ مەرزىمى وتۋگە جاقىنداعان كەزدە ولاردى ۋاقتىلى اۋىستىرۋ قاجەتتىگى تۋرالى ەسكە سالاتىن SMS جانە push-حابارلامالاردى جىبەرۋ سەرۆيسىن ەنگىزدى.
ايتا كەتۋ كەرەك، بۇرىن جىل سايىن ح ق ك و-عا قولدانىلۋ مەرزىمى ءوتىپ كەتكەن جۇرگىزۋشى كۋالىكتەرىن اۋىستىرۋ ءۇشىن 400 مىڭعا جۋىق ازامات جۇگىنەتىن. ەندى جۇرگىزۋشى كۋالىگىن ونلاين رەجيمدە ەكىنشى دەڭگەيلى بانكتەردىڭ موبيلدى قوسىمشالارى ارقىلى اۋىستىرۋعا بولادى.
جۇرگىزۋشى كۋالىگىن جاڭارتۋ ءۇشىن وسىنداي قوسىمشالاردىڭ بىرىنە كىرىپ، بيومەتريالىق تەكسەرۋدەن ءوتىپ، ءوز سمارتفونىڭىزعا سۋرەتكە ءتۇسۋ جەتكىلىكتى.
ءوتىنىم ءى ءى م دەرەكقورىندا وڭدەلگەننەن كەيىن جاڭا جۇرگىزۋشى كۋالىگى 10-15 مينۋت ىشىندە اۆتوماتتى تۇردە شىعارىلادى. ازامات ح ق ك و-دان جاڭا قۇجاتتى وزىنە ىڭعايلى كەز كەلگەن ۋاقىتتا الا الادى، ال اۆتوكولىكتى سمارتفونداعى «سيفرلىق» جۇرگىزۋشى كۋالىگى نۇسقاسى بويىنشا بىردەن باسقارا بەرۋىنە بولادى.
مۇنداي قىزمەتتەردى ەنگىزۋ ازاماتتارىمىزدى مەملەكەتتىك قىزمەتتەردى الۋ ءۇشىن قانداي دا ءبىر مەكەمەلەرگە بارۋ قاجەتتىلىگىنەن بوساتادى.