ۇيىمداسقان قىلمىستىق توپ 167 باس مالدى ۇرلاعان

«ق ر ىشكى ىستەر مينيسترلىگى كريمينالدىق پوليتسيا دەپارتامەنتى پاۆلودار وبلىستىق پوليتسيا دەپارتامەنتىمەن بىرلەسىپ ۇيىمداستىرعان ارنايى وپەراتسيا بارىسىندا سەمەي قالاسىندا ۇرلانعان 40 باس جىلقىنى ايداپ ءوتۋ كەزىندە 5 ادامنان تۇراتىن ءوڭىرارالىق قىلمىستىق توپ ۇستالدى. بۇل توپتىڭ، سونداي- اق پاۆلودار، شىعىس قازاقستان جانە قاراعاندى وبلىستارىندا مال ۇرلىعىنىڭ 6 قىلمىسىن جاساعانى دالەلدەندى. ولار بارلىعى 167 باس مال ۇرلاعان. ءتىنتۋ كەزىندە كۇدىكتىلەردەن ۇرلانعان تاعى 67 جىلقى، اۆتوكولىك جانە ەكى موتوتسيكل تابىلدى»، - دەلىنگەن حابارلامادا.

انىقتالعانداي، قىلمىستىق توپ مۇشەلەرىنىڭ ءوز قىزمەتى جانە ءرولى بولعان. ۇرلانعان مال الدىن الا دايىندالعان جەرگە ايدالىپ، سويىلعان مال ەتى تانىس ساتۋشىلارعا جونەلتىلىپ وتىرعان. قىلمىستىق توپقا قاتىستى ق ر ق ك- ءنىڭ 262-بابى (ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ) بويىنشا قوسىمشا قىلمىستىق ىستەر قوزعالدى.

بۇل باپ ۇيىمداسقان قىلمىستىق توپتى قۇرۋ، وعان باسشىلىق ەتۋ جانە وعان قاتىسقانى ءۇشىن 12 جىلعا باس بوستاندىعىنان ايىرۋدى، مۇلكىن تاركىلەۋدى قاراستىرادى. ايتا كەتەيىك، وڭىرلەردە مال ۇرلىقتارىنىڭ جولىن كەسۋ بويىنشا مامانداندىرىلعان جەدەل- ىزدەستىرۋ توپتارى قۇرىلدى. قىلمىستىق كودەكسكە «مال ۇرلىعى» جەكە بابى ەنگىزىلدى، ول 12 جىلعا دەيىن باس بوستاندىعىنان ايىرۋدى، مۇلكىن تاركىلەۋدى كوزدەيدى. بۇدان بولەك، قىلمىستى بىرنەشە رەت جاساعانى، سونداي- اق ءۇي- جايلارعا (ساراي، قورا جانە تاعى باسقاسى) كىرىپ، ۇرلىق جاساعانى ءۇشىن جازا قاتاڭداتىلدى. بۇل بەلگىلەر اۋىر قىلمىستار ساناتىنا اۋىستىرىلعاندىقتان كۇدىكتىلەر مەن تاراپتاردىڭ تاتۋلاسۋىنا بايلانىستى جاۋاپكەرشىلىكتەن قۇتىلۋ مۇمكىن ەمەس.

«بۇل شارالار سوڭعى بەس جىل ىشىندە مال ۇرلىعىنىڭ 35 پايىزعا تومەندەۋىنە ىقپال ەتتى، ونىڭ ىشىندە ۇرلانعان جانۋارلاردىڭ سانى ەكى ەسە ازايدى. وسى جىلى مال ۇرلىعىنىڭ سانى % 26,9 تومەندەدى، ولاردىڭ اشىلۋى % 6,7 (%61,1) جاقساردى، ۇرلانعان 2618 مال باسىنىڭ 1634- ءى نەمەسە % 62,4 تابىلىپ، قايتارىلدى»، - دەدى پوليتسيادان.