پاكىستاندا سۋ تاسقىنىنان 165 ادام كوز جۇمدى
ەڭ كوپ زارداپ شەككەن ايماق - بەلۋدجيستان پروۆينتسياسى.
وندا سۋ تاسقىنىن تۋدىرعان نوسەر جاڭبىر سالدارىنان 65 ادام قازا تاۋىپ، 49 ادام جاراقات العان. سۋ بوگەتتەرى بۇزىلۋىنىڭ بىرنەشە جاعدايى ورىن العان، سونىڭ سالدارىنان ونداعان ۇيلەر مەن ينفراقۇرىلىم بۇزىلدى. سيند پروۆينسياسىندا، سونىڭ ىشىندە ءبىر اپتادان استام ۋاقىتقا سوزىلعان نوسەر جاۋىننان زارداپ شەككەن كاراچيدە جەكەلەگەن اپاتتاردان 38 ادام قازا تاپتى.
ەلدىڭ كليماتتىڭ وزگەرۋ ماسەلەلەرى جونىندەگى ءمينيسترى شەرري رەحماننىڭ ايتۋىنشا، سيند پەن بەلۋدجيستاندا جاۋىن- شاشىن %625 جانە %501 كوپ. بۇل - 30 جىلدىق ورتاشا كورسەتكىشتەن جوعارى. سوڭعى 13 كۇن بويى ەكى پروۆينتسيا دا قاتتى مۋسسوندىق قىسىمعا ۇشىرادى.
تابيعي اپاتتارمەن كۇرەس جونىندەگى ۇلتتىق باسقارما مالىمەتىنشە، حايبەر- پاحتۋنحۆادا تولاسسىز جاۋعان جاڭبىر سالدارىنان 24، پەندجابتا 23 جانە ەلدىڭ باسقا ايماقتارىندا 15 ادام قازا تاپتى.
ەل بويىنشا 1319 جانۋار قىرىلعان. 350-گە جۋىق ءۇي تولىعىمەن قيراپ، 781 ءۇي بۇلىنگەن. بيلىك ەلدىڭ تۇكپىر- تۇكپىرىندە قۇتقارۋ جۇمىستارىن جۇرگىزۋدە. زارداپ شەككەندەرگە شاتىر، كورپە، موسكيت تورلارى، ازىق- تۇلىك جانە قۇتقارۋ كەۋدەشەلەرى تاراتىلىپ جاتىر.
