جىل باسىنان بەرى ەلوردادا ونەركاسىپ ءونىمىنىڭ كولەمى 165 ميلليارد تەڭگە بولدى
سونىمەن قاتار، اتالعان كەزەڭدە ونەركاسىپ ءونىمىنىڭ ناقتى كولەم يندەكسى 2014-جىلعى قاڭتار-تامىزداعى دەڭگەيگە قاراعاندا %104,2 بولدى.
وڭدەۋ ونەركاسىبىندەگى ءونىمنىڭ ناقتى كولەمى 2014-جىلعى قاڭتار-تامىزداعى دەڭگەيمەن سالىستىرعاندا %4,9 ءوستى جانە قولدانىستاعى باعامەن 126 ميلليارد تەڭگەنى قۇرادى.
وڭدەۋ ونەركاسىبىندەگى ءوندىرىس كولەمىنىڭ ءوسۋى مەتاللۋرگيا ونەركاسىبىنىڭ، جيھازدان باسقا اعاشتان جانە توزدان جاسالعان بۇيىمداردى ءوندىرۋ، ساباننان جانە ورۋگە ارنالعان ماتەريالدان جاسالعان بۇيىمدار وندىرىسىندە بايقالادى.
قۇرىلىس يندۋسترياسى كاسىپورىندارىمەن سەمەنت، بەتون نەمەسە جاساندى تاستان جاسالعان تاقتايشالار، تاقتالار، كىرپىشتەر جانە ۇقساس بۇيىمدار (%111,6)، تاۋارلى بەتون (%109,2) ءوندىرىسىنىڭ ءوسىمى قامتاماسىز ەتىلدى.
2015-جىلعى قاڭتار-تامىزدا ەلەكتر ەنەرگياسىمەن جابدىقتاۋ، گاز، بۋ بەرۋ جانە اۋا باپتاۋدا ءونىم (تاۋار، قىزمەت) كولەمى 34,3 ميلليارد تەڭگەنى قۇرادى، اتالعان كەزەڭدەگى ناقتى كولەم يندەكسى 2014-جىلعى قاڭتار-تامىزعا قاراعاندا %102,5 بولدى.