قازاقستاندىق كاسىپكەر تۋعان كۇنىندە ءان سالعان ن. شەرزينگەرگە 164 مىڭ دوللار تولەگەن

استانا. قازاقپارات - وتكەن جەكسەنبىدە قازاقستاندىق كاسىپكەر قايرات بورانبايەۆ ءوزىنىڭ 48 جاسقا تولعان تۋعان كۇنىن لوندوننىڭ ەليتا اۋداندارىنىڭ ءبىرى مەيفەيردە اتاپ ءوتتى.

قالتالى كاسىپكەردىڭ تۋعان كۇنىنە Pussycat Dolls توبىنىڭ بۇرىنعى ءانشىسى نيكول شەرزينگەر، رەسەيلىك انشىلەر ديما بيلان، ميتيا فومين، ارمان داۋلەتياروۆ جانە بايعالي سەركەبايەۆ ارنايى شاقىرىلىپتى، - دەپ حابارلايدى Daily Mail.

"قازروسگاز"-دىڭ بۇرىنعى باس ديرەكتورى امەريكالىق انشىگە 100 مىڭ فۋنت ستەرلينگ (164 مىڭ دوللار) تولەگەن. 36 جاستاعى پوپ-جۇلدىز ءۇش ساعات بويى بيزنەسمەننىڭ جاقىندارى مەن دوستارىنان قۇرالعان شاعىن كومپانيانىڭ كوڭىلىن كوتەرۋمەن بولدى.

ول Don't Cha, Your Love جانە تاعى باسقا حيت اندەرىن ورىندادى.

كەش سوڭىندا مەرەكەلىك كەشتىڭ قوناقتارى وزدەرىنىڭ جۇلدىزدارمەن تۇسكەن سۋرەتتەرىن Instagram پاراقشالارىنا جاريالاپ، ماقتانۋمەن بولدى.

قايرات بورانبايەۆ 1966 - جىلى 22 - قىركۇيەكتە تورعاي وبلىسى امانگەلدى اۋىلىندا دۇنيەگە كەلدى. ول 1989 - جىلى قازاق دەنە شىنىقتىرۋ ينستيتۋتىن، 2000 - جىلى ءال-فارابي اتىنداعى قاز ۇ ۋ-دى بىتىرگەن. 2006-2014 - جىلدار ارالىعىندا قازاقستاندىق-رەسەيلىك كومپانيا "كازروسگاز" كومپانياسىنىڭ باس ديرەكتورى قىزمەتىن اتقاردى. 2014 - جىلدىڭ قاڭتار ايىندا باسقا قىزمەتكە اۋىسۋىنا بايلانىستى "كازروسگاز"-دان كەتتى.

قايرات بورانبايەۆ "قايرات" فۋتبول كومانداسىنىڭ باقىلاۋشىلار كەڭەسىنىڭ ءتوراعاسى. 

Tengrinews.kz