بىلتىر شەتەلدىك باسىلىمداردا عىلىمي اتاقتارعا ۇمىتكەرلەردىڭ 162 ماقالاسى جاريالاندى

«جىل سايىن قازاقستاندىق عالىمدار شەتەلدىك جۋرنالداردا جۇزدەگەن زەرتتەۋ ماقالالارىن جاريالايدى. باسىلىمداردىڭ كەيبىرەۋلەرى اقشا ءۇشىن كەز كەلگەن ساپاداعى ماقالالاردى تەز جاريالايدى. ماقالا جاريالايتىن عالىمداردىڭ ەشبىرى جالعان اقپاراتتان ساقتاندىرىلماعان»، دەلىنگەن حابارلامادا.
ماقالالاردى كوممەرتسيالىق ماقساتتا لايىقتى رەتسەنزيالاۋسىز شىعاراتىن عىلىمي باسىلىمدار مەن الاياق سايتتاردىڭ بار ەكەندىگى تۋرالى ق ر ءبىلىم جانە عىلىم مينيسترلىگى (ق ر ب ع م) ءبىلىم جانە عىلىم سالاسىن باقىلاۋ جونىندەگى كوميتەتىنە 2014 -جىلدان بەرى بەلگىلى.
قازاقستان 2011 -جىلدان باستاپ Thomson Reuter جانە ەlsevier اقپاراتتىق كومپانيالارىمەن ۇلتتىق ليتسەنزيا ارقىلى اكادەميالىق قاۋىمداستىقتىڭ Web of Knowledge جانە Scopus مالىمەتتەر بازاسىنا تەگىن كىرە الادى.
«ەندى عىلىمي ماقالالار Web of Science, Thomson Reuters اقپاراتتىق بازاسىندا يمپاكت- فاكتور بولعان كەزەڭدە نەمەسە Scopus بازاسىندا يندەكستەۋ كەزەڭىندە باسىلىمداردا جاريالانۋى كەرەك جانە جۋرنالدىڭ تاقىرىپتىق باعىتىنا سايكەس بولۋى قاجەت.
وسىلايشا، ءبىز دوكتورانت نەمەسە عىلىمي اتاق ىزدەنۋشىسى ماقالاسىن جاريالاۋعا ءتيىس جۋرنالداردا جاريالاۋعا شەك قويامىز»، - دەدى ق ر ب ع م ءبىلىم جانە عىلىم سالاسىن باقىلاۋ كوميتەتى ءتوراعاسىنىڭ ورىنباسارى ءلاززات بولەبايەۆا.
ءبىلىم جانە عىلىم سالاسىن باقىلاۋ كوميتەتى «قازاقستاندىق عىلىمي جۋرنالداردى حالىقارالىق اقپاراتتىق رەسۋرستارعا ەنگىزۋ: پروبلەمالار مەن ولاردى شەشۋ جولدارى» دوڭگەلەك ۇستەلىن، «عىلىمي ەڭبەكتەر ەتيكاسى. پلاگيات» دوڭگەلەك ۇستەلىن، سونىمەن قاتار، الماتى مەنەدجمەنت ۋنيۆەرسيتەتىمەن بىرلەسىپ، شەتەلدىك اقپارات كومپانيالارىنىڭ وكىلدەرىنىڭ، امەريكالىق عالىم جانە بيبليوگراف دجەفري بيللدىڭ قاتىسۋىمەن «اكادەميالىق ادالدىق: رەتسەنزيالاناتىن باسىلىمداردا قالاي جاريالانۋ كەرەك» حالىقارالىق عىلىمي- پراكتيكالىق وقىتۋ سەمينارىن ۇيىمداستىردى.
«اتالعان شارالارعا اكادەميالىق قاۋىمداستىق وكىلدەرى، وقىتۋشىلار، دوكتورانتتار، كىتاپحاناشىلار شاقىرىلدى. سوڭعى سەميناردا قاتىسۋشىلاردىڭ ءار ساناتىمەن جەكە شەبەرلىك سىنىپتارى وتكىزىلدى. كوميتەت وسى باعىتتاعى جۇمىستاردى جالعاستىرادى، كەزدەسۋلەر ۇيىمداستىرادى»، - دەدى ءلاززات بولەبايەۆا.
ونىڭ ايتۋىنشا، كوپتەگەن حالىقارالىق عىلىمي باسىلىمداردىڭ ىشىنەن اۆتورلار جۋرنالدى ونىڭ ءوزىنىڭ بەدەلىنە قالاي اسەر ەتەتىنى جاعىنان تاڭداۋى كەرەك. اۆتورلار حالىقارالىق شەتەلدىك عىلىمي باسىلىمداردىڭ ىشىنەن ولاردىڭ عىلىمي باعىتتارىنا ساي، حالىقارالىق دايەكسوز كەلتىرۋ بازاسىندا تۇراقتى ءارى ايتارلىقتاي رەيتينگكە يە جۋرنالدارعا توقتالۋى ءتيىس.
جۋرنالدىڭ بەدەلى اۆتوردىڭ عىلىمي بەدەلىنە مىندەتتى تۇردە ىقپال ەتەدى. قىزىعۋشىلىق بىلدىرگەن اۆتورلار ماقالالارى شەتەلدىك ارىپتەستەرىنە قىزىقتى باسىلىمداردا ءوز ەڭبەكتەرىن جاريالايدى، كەيىننەن سوندا ولاردىڭ دايەكسوزدەرى كەلتىرىلىپ، سىلتەمەلەر جاسالاتىن بولادى. ال بۇل عالىمنىڭ رەيتينگىنە، دايەكسوز كەلتىرۋدىڭ كورسەتكىشىنە نەمەسە حيرشا يندەكسىنە اسەر ەتەدى.
ايتا كەتەيىك، 2016 -جىلى شەتەلدىك باسىلىمداردا عىلىمي اتاقتارعا ۇمىتكەرلەردىڭ 162 زەرتتەۋ ماقالاسى جاريالاندى. ءبىراق تەك 111 ۇمىتكەر عانا دوتسەنت پەن پروفەسسور عىلىمي اتاقتارىن الدى. 2015 -جىلى 64 ۇمىتكەردىڭ تەك 38 ى عانا عىلىمي اتاققا يە بولدى. 2016 -جىلى PhD ۇمىتكەر 377 ادام ءوز زەرتتەۋلەرىن شەتەلدىك باسىلىمداردا جاريالادى، ونىڭ ىشىندە 348 ى عانا، ال 2015 -جىلى 451 ۇمىتكەردىڭ 407 سى PhD دارەجەسىن الدى.