الماتىدا «الەم بارىسى» باستالدى: ەڭ اۋىر بالۋاننىڭ سالماعى 161 كەلى

استانا. قازاقپارات - الماتىدا قازاق كۇرەسىنەن «الەم بارىسى» ابسوليۋتتىك الەم چەمپيوناتى باستالدى، دەپ حابارلايدى قازاقپارات ءتىلشىسى.

بۇعان دەيىن حابارلانعانداي، چەمپيوناتقا قاتىساتىن 33 بالۋاننىڭ سالماعى جارىس ەرەجەسىنە ساي 90 كەلىدەن اسقان. ناتيجەسىندە جاڭازەلانديالىق بالۋان چيكو رەرەموانا پەمبەرتوننىڭ تارازىداعى تازا سالماعى 161 كەلىنى كورسەتىپ، اتالعان تۋرنيردەگى ەڭ اۋىر بالۋان اتاندى. ال قازاقستان نامىسىن قورعايتىن بەس بالۋاننىڭ اراسىنان نۇرداۋلەت جارىلعاپوۆ ەڭ اۋىر سالماقتاعى بالۋانداردىڭ ۇزدىك تورتتىگىنەن كورىندى. ونىڭ سالماعى - 142 كەلى.

سالماقتارى ەڭ اۋىر 10 بالۋان:

1. چيكو رەرەموانا پەمبەرتون (جاڭا زەلانديا) - 161 ك گ

2. جافار پاحليەۆانيجاگحارگح (يران) - 156 ك گ

3. تانەل كاررو (ەستونيا) - 143 كگ

4. نۇرداۋلەت جارىلعاپوۆ (قازاقستان) - 142 ك گ

5. ايبەك نۇعىماروۆ (قازاقستان) - 142 ك گ

6. لۋكاش حاۆاچەك (چەحيا) - 140 ك گ

7. يگور كوستينس (لاتۆيا) - 127 ك گ

8. توماش- پەتر تالاچ (پولشا) - 126 ك گ

9. رۋسلان ءابدىرازاقوۆ (قازاقستان) - 125 ك گ

 10. رومان بوبيكوۆ (رەسەي) - 123 ك گ

 قازاق كۇرەسىنىڭ ەرەجەسىنە سايكەس بەلدەسۋدىڭ نەگىزگى ۋاقىتىندا ۇپاي سانى تەڭ تۇسسە، قويانقولتىق بەلدەسۋ بولادى. وندا دا جەڭىمپاز انىقتالماعان جاعدايدا، بالۋانداردىڭ سالماعى ولشەنىپ، جەڭىس سالماعى جەڭىلگە بەرىلەدى. قازاق كۇرەسىنەن تۇيە بالۋاندار اراسىنداعى الەم چەمپيوناتى الماتىداعى بالۋان شولاق اتىنداعى سپورت سارايىندا ءوتىپ جاتىر.

چەمپيوناتتى «Qazaqstan»  جانە «Qazsport»  ارناسىنان تىكەلەي ەفيردەن كورۋگە بولادى.

اۆتور: ايان بەكەن ۇلى