وزەن مۇنايگازدىڭ قارجى-شارۋاشىلىق قىزمەتىندە 160 زاڭ بۇزۋشىلىق انىقتالدى
كومپانيا مالىمەتىنشە، جاڭاوزەن قالاسىندا ق م گ ارنايى جۇمىس توبى تەكسەرىس جۇرگىزۋدى جالعاستىرىپ جاتىر. قازىرگى ۋاقىتتا 55 شارۋاشىلىق قىزمەت نىسانى، ونىڭ ىشىندە «وزەنمۇنايگاز» ا ق- تىڭ 17 وندىرىستىك قۇرىلىمدىق بولىمشەسى، 8 مۇناي سەرۆيس ۇيىمى مەن 30 باسقا دا مەردىگەر ۇيىمنىڭ قىزمەتى تالداندى. ءو م گ- ءنىڭ قارجى-شارۋاشىلىق قىزمەتىن تەكسەرۋ كەزىندە الدىن الا 160 بۇزۋشىلىق پەن سايكەسسىزدىك انىقتالدى. ونىڭ ىشىندە 7 فاكتى ق ر زاڭناماسىنا ساي شارالار قابىلداۋ ءۇشىن قۇقىق قورعاۋ ورگاندارىنا جىبەرىلدى. 10 فاكتى بويىنشا قىزمەتتىك تەرگەۋ ءجۇرىپ جاتىر. 101 فاكتى بويىنشا جاۋاپتى تۇلعالارعا تارتىپتىك جازا قولدانىلاتىن بولادى.
قۇقىق بۇزۋشىلىق فاكتىلەرىنىڭ سالدارىنان كەلتىرىلگەن شىعىن سوماسى پروتسەسسۋالدى جانە رەگلامەنتتەۋشى ءىس- شارالاردىڭ قورىتىندىسى بويىنشا انىقتالادى.
«ءبىز قۇقىق قورعاۋ ورگاندارىمەن تىعىز جۇمىس ىستەپ، زاڭعا قايشى انىقتالعان ارەكەتتەر جايلى دەر كەزىندە حابارلاپ وتىرمىز. بۇدان ءارى ولار تەرگەۋ جۇرگىزىپ، وزگە ءىس-شارالاردى قولعا الادى. سولاردىڭ بىرىنە كەشە ەكونوميكالىق تەرگەۋ دەپارتامەنتىنىڭ «وزەنمۇنايگاز» باس ديرەكتورىنىڭ ورىنباسارىن ۇستاۋ فاكتىسى دە جاتادى. كوميسسيانىڭ جۇمىسى ءالى اياقتالمادى، كوپتەگەن فاكت بويىنشا قىزمەتتىك تەرگەۋلەر ءجۇرىپ جاتىر»، - دەدى ارنايى جۇمىس توبىنىڭ جەتەكشىسى، ق م گ باسقارما ءتوراعاسىنىڭ ورىنباسارى داۋلەتجان حاسانوۆ.