پاۆلودارلىق شەنەۋنىك كابينەتىنەن 160 مىڭ دوللار، قىمبات شۆەيتسارلىق ساعاتتار تاركىلەندى
ونىڭ ايتۋىنشا، سىبايلاس جەمقورلىققا قارسى ءىس- قيمىل ۇلتتىق بيۋروسى اسا ءىرى كولەمدە پارا الۋ كۇدىگىمەن پاۆلودار وبلىستىق مەملەكەتتىك كىرىستەر دەپارتامەنتىنىڭ باسشىسى بايقۇرمانوۆ پەن اتالعان دەپارتامەنتتىڭ ەكونوميكالىق تەرگەۋ قىزمەتىنىڭ باسشىسى بەيسەمبايەۆتى ۇستاعان.
«31 - تامىزدا جاسىرىن تەرگەۋ شارالارىن جۇرگىزۋ بارىسىندا اتالعان تۇلعالار وسى جىلدىڭ ناۋرىزىندا قوزعالعان قىلمىستىق ءىستى توقتاتۋ جانە 1,1 ميلليارد تەڭگەلىك سالىقتى سالماۋ ءۇشىن ج ش س وكىلىنەن 100 مىڭ ا ق ش دوللارىن قايتادان قايتارۋ بارىسىندا قىلمىستارى اشكەرەلەنگەن. كۇدىكتىلەردىڭ تۇرعىلىقتى جەرلەرىندە، كابينەتتەرىندە، جۇمىس ورىندارىندا ءتىنتۋ جۇمىستارى جۇرگىزىلدى. سونىڭ ناتيجەسىندە اقشا قاراجاتتارى مەن باعالى زاتتار تابىلدى. اتاپ ايتقاندا، 160 مىڭ ا ق ش دوللارى، 10,5 ميلليون تەڭگە جانە 9 جۇپ قىمبات شۆەيتسارلىق ساعات الىندى»، - دەدى نۇرلان جاحين.
رەسمي وكىلدىڭ سوزىنە قاراعاندا، سول كۇنى كۇدىكتىلەر ۇستالىپ، پاۆلودار قالالىق ءى ءى د ۋاقىتشا وقشاۋلاعىشىنا قامالعان. ال 3 - قىركۇيەكتە كۇدىكتىلەردىڭ ەكەۋى دە پاۆلودار قالالىق تەرگەۋ سوتىنىڭ سانكسياسىمەن قاماۋعا الىنعان.
«كۇدىكتىلەر تاراپىنان اقشا قاراجاتتارىن زاڭسىز الۋ ءوتىنىش بەرۋشىنىڭ تۇسىنىگى بويىنشا، سونداي- اق باسقا كۋاگەرلەرمەن جاسىرىن تەرگەۋ ارەكەتتەرىنىڭ ماتەريالدارى ارقىلى راستالىپ وتىر. سوتقا دەيىنگى تەرگەۋ اسا ءىرى كولەمدە پارا الۋ بابى بويىنشا جۇرگىزىلىپ جاتىر»، - دەدى ول.
نۇرلان جاحيننىڭ ايتۋىنشا، كۇدىكتىلەردىڭ لاۋازىمدى مەملەكەتتىك قىزمەتتە بولۋ مۇمكىنشىلىكتەرى شەكتەلەدى. سونىمەن قاتار پارانىڭ 70-80 ەسەلەنگەن سوماسى مولشەرىندە ايىپپۇل سالىنۋى مۇمكىن نەمەسە 10-15 جىلعا دەيىن باس بوستاندىعىنان ايىرۋ جازاسىنا ىلىگەدى.
ەسكە سالا كەتسەك، پاۆلودار وبلىستىق مەملەكەتتىك كىرىستەر دەپارتامەنتىنىڭ (م ك د) باسشىسى ەرنۇر بايقۇرمانوۆ، م ك د وبلىستىق باسقارماسى تەرگەۋ ءبولىمىنىڭ باسشىسى ازامات بەيسەمبايەۆ جانە جەدەل ۋاكىل د. ماعزۇموۆ 100 مىڭ ا ق ش دوللارى كولەمىندە پارا الدى دەگەن كۇدىكپەن ۇستالعانىن بۇعان دەيىن حابارلاعان بولاتىنبىز.
