قازاقستان الەمدە ءسوز بوستاندىعى جونىنەن 160-ورىندا

استانا. قازاقپارات - قازاقستان «باسپا ءسوز بوستاندىعى يندەكسىندە» 160-ورىن الدى، - دەپ حابارلايدى Tengrinews.kz ءتىلشىسى.

«رەپورتەرى بەز گرانيتس» ۇيىمىنىڭ بايانداماسى 2016 -جىلدىڭ 20 -ساۋىرىندە جاريالاندى. 180 ەل ەنگىزىلگەن ءتىزىمدى قوعام بەلسەندىلەرى جۋرناليستەرگە بەرىلگەن ەركىندىك دەڭگەيى نەگىزىندە جاسادى.

رەپورتەرلەردىڭ قۇقىعىن بۇزۋ دەرەگى بارلىق ايماقتا تىركەلگەن. ەۋروپا 19,8 دەگەن باعا السا، افريكاعا 36,9 دەگەن باعا بەرىلدى. ازيادا 43,8 بالل، شىعىس ەۋروپا - ورتالىق ازيا ايماقتارى 48,4 بالل الدى. ال قازاقستانعا 2013 -جىلى وپپوزيتسيالىق گازەتتى جاۋىپ تاستاعانى ءۇشىن 54,55 بالل بەرىلىپتى.

رەيتينگتە العاشقى ورىندى فينليانديا الدى. بۇل ەل 2010 -جىلدان بەرى تىزىمدە كوش باستاپ كەلەدى. ەكىنشى ورىندا نيدەرلاندى بولسا، ۇزدىك ۇشتىككە نورۆەگيا ەندى.