الماتى وبلىسىنىڭ ساقشىلارى ساۋساق تاڭبالارى بويىنشا 160 قا جۋىق قىلمىستى اشتى
وبلىستىق ءى ءى د باسپا ءسوز قىزمەتىنەن حابارلاعانداي، بۇگىندە قىلمىسكەردىڭ وقيعا ورنىندا قالدىرعان ىزدەرى ارقىلى قىلمىستى اشۋ نەعۇرلىم ناتيجەلى بولىپ وتىر.
«قىلمىسكەرلەر قايتكەندە دە وقيعا ورنىندا اقپاراتتار قالدىرادى، بۇل اقپاراتتار قول ىزدەرىنەن، اياق كيىم تابانىنىڭ بەدەرىنەن بىلىنەدى. ءاربىر ءىزدى مۇقيات زەرتتەۋ قاسكويدىڭ كىم ەكەنىن انىقتاۋعا مۇمكندىك بەرەدى»، - دەدى جەدەل-كريميناليستىك باسقارما باستىعى، پوليتسيا پولكوۆنيگى الىشەر مۇحامەدوۆ.
جاقىندا الماتى وبلىسى ءى ءى د كريميناليستەرى اعىمداعى جىلعى ماۋسىم ايىندا الماتى وبلىسىنىڭ ەڭبەكشى قازاق اۋدانىندا جاسالعان 28 جاستاعى ەر ادامدى ءولتىرۋ وقيعاسىنىڭ بەتىن اشتى.
«قىلمىس ورنىنان الىنعان قولدىڭ 7 ءىزى ارقىلى ءبىز كۇدىكتىلەردىڭ كىم ەكەنىن انىقتادىق. ولار ەڭبەكشى قازاق اۋدانىنىڭ 20 جانە 21 جاسار ەكى تۇرعىنى بولىپ شىقتى. سونىڭ ىشىندە اياق كيىم تابانىنداعى بەدەردى كۇدىكتىلەردىڭ اياق كيىمىمەن سالىستىرۋ ولاردىڭ بۇل اۋىر قىلمىستى جاساۋعا قاتىسى بار ەكەنىن دالدىكپەن انىقتادىق»، - دەيدى پولكوۆنيك الىشەر مۇحامەدوۆ.
بيىلعى جىلى جەدەل-كريميناليستىك باسقارما قىزمەتكەرلەرى اياق كيىم ءىزى ارقىلى 10 ۇرلىقتى اشتى.
