اسكەري بازادان ۇرلاپ اكەتىلگەن 1600 اسكەردىڭ جەرلەنگەن ورىندارى تابىلدى

استانا. قازاقپارات -  يراكتىڭ تيكريت قالاسى ماڭىنان ادامدار جاپپاي جەرلەنگەن 12 ورىن تابىلدى.

يراكتىڭ دەنساۋلىق ساقتاۋ مينيسترلىگى جەرلەنگەندەردىڭ دەنەسى اسكەرگە شاقىرىلعان جاس جىگىتتەرگە تيەسىلى دەگەن مالىمەت تاراتتى.

 ولاردى «يسلام مەملەكەتى» راديكالدى ۇيىمىنىڭ لاڭكەستەرى 10 اي بۇرىن تيكريتتەگى اسكەري بازادان ۇرلاپ اكەتكەن. سول كەزدە 1600 اسكەر جوعالعان بولاتىن. ويتكەنى بۇل قالا ۇزاق ۋاقىت بويى سول ۇيىمنىڭ باقىلاۋىندا بولدى. قازىر جەرگىلىكتى ۇكىمەت اسكەري لاڭكەستەردى بۇل ايماقتان ىعىستىرىپ، موسۋل قالاسىن دا ازات ەتۋ ءۇشىن اسكەري وپەراتسيالار جۇرگىزىپ جاتىر.

ءالي، ءتىرى قالعان سارباز:

- ءبىزدى ۇرلاعاننان كەيىن وسى جەرگە اكەلىپ، قول- اياعىمىزدى بايلاپ تاستادى. كەزەكپەن ءبارىن اتىپ ءولتىردى. ماعان اتقاندا وق تيمەي، ولگەندەي بولىپ وتىرىك سۇلاپ جاتتىم. ەكى جاعىمداعى ارىپتەستەرىم سول جاتقان جەرلەرىندە كوز جۇمدى.

  www.24.kz