سولتۇستىك قازاقستان وبلىسىندا نەگىزگى كاپيتالعا سالىنعان ينۆەستيتسيالار كولەمى 16,9 ميلليارد تەڭگەنى قۇرادى - فوتو

 استانا. قازاقپارات - سولتۇستىك قازاقستان وبلىسىندا جىل باسىنان ونەركاسىپ ءوندىرىسىنىڭ كولەمى 1,7، اۋىل شارۋاشىلىعى 1,4 پايىزعا ۇلعايدى.

بۇل تۋرالى ءوڭىردىڭ ستاتيستيكا دەپارتامەنتىنەن حابارلادى.

 «2016 -جىلعى قاڭتار- ناۋرىزدا نەگىزگى كاپيتالعا سالىنعان ينۆەستيتسيالار كولەمى 16,9 ميلليارد تەڭگەنى قۇرادى. شارۋاشىلىق جۇرگىزەتىن سۋبەكتىلەردىڭ مەنشىكتى قاراجاتى نەگىزگى كاپيتالعا سالىنعان ينۆەستيتسيالاردى قارجىلاندىرۋدىڭ باسىم كوزى (81,7 پايىز) بولىپ تابىلدى، ونىڭ كولەمى 13,8 ميلليارد تەڭگەگە جەتتى. نەگىزگى كاپيتالعا سالىنعان ينۆەستيتسيالاردى يگەرۋ بويىنشا اۋىل، ورمان جانە بالىق شارۋاشىلىعى 38,4، كولىك جانە قويمالاۋ 20,8، ونەركاسىپ 19,2 پايىزدىق كورسەتكىشپەن باسىم سالالار بولىپ وتىر. 2016 -جىلعى قاڭتار- ناۋرىزدا اۋىل شارۋاشىلىعى جالپى ءونىمىنىڭ كولەمى 18,1 ميلليارد تەڭگەنى قۇرادى. مال مەن قۇستىڭ بارلىق تۇرلەرى تىرىدەي سالماقتا سويۋعا 19,4 مىڭ توننا وتكىزىلدى، سيىر ءسۇتى 57,5 مىڭ توننا ساۋىلدى، تاۋىق جۇمىرتقاسى 108,2 ملن دانا الىندى»، - دەلىنگەن حابارلامادا.

سونىمەن قاتار ۆەدومستۆو اقپاراتىنا سايكەس، 2016 -جىلعى قاڭتار- ناۋرىزدا وبلىستىڭ ونەركاسىپ كاسىپورىندارىمەن (شاعىن كاسىپورىنداردى، قوسالقى وندىرىستەردى، ءۇي شارۋاشىلىقتارى سەكتورىن قوسا) قولدانىستاعى باعادا 38,2 ميلليارد تەڭگەنىڭ ءونىمى ءوندىرىلدى. ونەركاسىپ ءوندىرىسى قۇرىلىمىنىڭ 60,5 پايىزىن الاتىن وڭدەۋ ونەركاسىبىندە 23,1  ميلليارد  تەڭگەنىڭ ءونىمى شىعارىلدى.

 اعىمداعى جىلدىڭ ءۇش ايىندا حيميالىق ونەركاسىپ ونىمدەرىن ءوندىرۋ 14,1 ەسە، مەتاللۋرگيا ونەركاسىبى 11,8 ەسە، فارماتسيەۆتيكالىق ونىمدەر 2,2 ەسە، وزگە مەتالل ەمەس ونىمدەردى ءوندىرۋ 3 ەسە ۇلعايدى. كەن ءوندىرۋ ونەركاسىبىندە ءوندىرىس كولەمى 12,3، ەلەكترمەن جابدىقتاۋ، گاز، بۋ بەرۋ جانە اۋا باپتاۋ 9,3، سۋمەن جابدىقتاۋ؛ كارىز جۇيەسى، قالدىقتاردىڭ جينالۋىن جانە تاراتىلۋىن باقىلاۋ 9 پايىز ءوستى.

بارلىق مەنشىك نىسانىنداعى قۇرىلىس- مونتاج ۇيىمدارىنىڭ ءوز كۇشىمەن 2,2 ميلليارد تەڭگەنىڭ مەردىگەرلىك جۇمىستارى ورىندالدى.

2016 -جىلعى قاڭتار- ناۋرىزدا 120 جاڭا عيماراتتىڭ قۇرىلىسى اياقتالدى، ونىڭ ىشىنەن 104 تۇرعىن جانە 16 تۇرعىن ەمەس ماقساتتاعى عيمارات بار. 2016 -جىلعى ناۋرىزدا جاڭا قۇرىلىس ەسەبىنەن بولشەكتەپ ولشەۋ جەلىسى، ساۋدا ۇيلەرى، سۋپەرماركەت، شاعىنماركەتتەر، مەيمانحانالىق- مەيرامحانالىق كەشەن، مەكتەپكە دەيىنگى ءبىلىم بەرۋ ۇيىمى، مەشىت جانە كەڭسە پايدالانۋعا بەرىلدى.

 وبلىس اۋماعىندا حالىقپەن جانە كاسىپورىندارمەن جالپى اۋدانى 15451 شارشى مەتر تۇرعىن ءۇي پايدالانۋعا بەرىلدى، بۇل 2015 -جىلعى قاڭتار- ناۋرىزعا قاراعاندا 131,8 پايىزدى قۇرايدى. تۇرعىن ءۇي جالپى اۋدانىنىڭ 1 شارشى مەتر قۇرىلىسىنىڭ ورتاشا قۇنى 40,7 مىڭ تەڭگەگە تەڭ (2015 -جىلعى قاڭتار- ناۋرىزدا 45,6 مىڭ تەڭگە).

2016 - جىلعى قاڭتار- ناۋرىزداعى بولشەك ساۋدا كولەمى 36 ميلليارد تەڭگەنى قۇرادى. جەكە كاسىپكەرلەر ۇلەسىنە بولشەك ساۋدا كولەمىنىڭ 64,7 پايىزى تيەسىلى. كوتەرمە ساۋدا كولەمى 51,1 ميلليارد تەڭگەنى قۇرادى.