جامبىل وبلىسىندا جول اپاتىندا 16 ادام قازا تاپقان اۆتوبۋستا تەك 7 ادامدى تاسىمالداۋعا رۇقسات بەرىلگەن

بىشكەك. قازاقپارات - قىرعىزستاندىق ب ا ق ق ر ءى ءى م جول-پاترۋلدىك قىزمەتىندەگى وكىلىنە جانە ق ر ۇكىمەتىندەگى مەملەكەتتىك تىركەۋ قىزمەتىنە سۇيەنە وتىرىپ، قازاقستاندا جول اپاتىنا ۇشىراعان شاعىن اۆتوبۋس بيىلعى جىلدىڭ اقپان ايىندا جۇك كولىگىنەن جولاۋشىلار كولىگىنە قايتا جاسالعانىن مالىمدەدى، دەپ حابارلايدى «قازاقپارات» ءتىلشىسى.

قايتا جاسالعان جولاۋشىلار كولىگىندە تەك 7 ادامدى عانا تاسىمالداۋعا رۇقسات بەرىلگەن.

« جولاۋشىلار اۆتوبۋسى بولىپ قايتا جاسالعان ميكرواۆتوبۋستا جۇرگىزۋشىمەن بىرگە تەك 7 ادامدى عانا تاسىمالداۋعا رۇقسات بەرىلگەن. ال جۇرگىزۋشى بولسا، قوسىمشا ورىندار جاساپ، 18 ادامدى وتىرعىزعان»، - دەپ حابارلادى ق ر ءى ءىم جول-پاترۋلدىك قىزمەتىنەن.

ق ر مەملەكەتتىك تىركەۋ قىزمەتىنەن حابارلاعانداي، Mercedes-Benz شاعىن اۆتوبۋسى پريبالتيكادان كەلگەن، 2015 -جىلى قاڭتاردا وش وبلىسىندا قىرعىزستان ازاماتى دجۋرابايەۆ باحتياردىڭ اتىنا تىركەلگەن. ول كەشەگى جول اپاتىنان قازا تاپتى.

اعىمداعى جىلدىڭ اقپان ايىندا شاعىن اۆتوبۋس جۇك كولىگىنەن جولاۋشىلار كولىگىنە قايتا جاسالعان، وعان ارنايى رۇقساتى بار. جول اپاتى كەزىندە شاعىن اۆتوبۋستىڭ ىشىندە 19 ادام، ونىڭ ىشىندە جۇرگىزۋشى مەن 3 بالا بولعان.

 ەسكە سالا كەتەيىك، 2015 -جىلى 19 -ساۋىردە جامبىل وبلىسىنىڭ مويىنقۇم اۋدانىندا الماتى- ەكاتەرينبۋرگ جولىنىڭ 487 شاقىرىمىندا ساعات 09:47 جول-كولىك اپاتى ورىن الدى، سالدارىنان 16 ادام قازا تاپقان بولاتىن.