تالدىقورعاندا 16 انا مەن 16 قىز بالا سايىسقا ءتۇستى

تالدىقورعان. قازاقپارات - بۇگىن تالدىقورعاندا قالا كۇنىنە وراي «انام جانە مەن» بايقاۋى ءوتتى. دوداعا 16 انا مەن 16 قىز بالا قاتىستى، دەپ حابارلايدى قازاقپارات ءتىلشىسى.
None
None

بالاباقشا تاربيەلەنۋشىلەرى مەن ولاردىڭ انالارى بىرىگىپ قاتىساتىن دودا قالا كۇنى قارساڭىندا ءداستۇرلى تۇردە وتكىزىلىپ تۇرادى. باستى ماقسات انا مەن بالانىڭ بەلسەندىلىگىن ارتتىرىپ، بالاباقشا تىنىس- تىرشىلىگىنە ەتەنە ارالاستىرۋ.

 اناسى مەن بالاسىن ساحناعا شىعارىپ، ولاردىڭ بويىنداعى ونەرىن حالىققا پاش ەتۋ. بۇل جولعى سايىستا دا انالار بالدىرعاندارىمەن بىرگە بار ونەرلەرىن ورتاعا سالدى. ءاندى دە ايتتى، ءبيدى دە بيلەدى. كيىم ۇلگىلەرىن دە كورسەتتى.

 « قىزىم ءجانيا ەكەۋىمىز №4 بالاباقشانىڭ اتىنان قاتىستىق. مۇنداي اۋقىمدى بايقاۋدا ءبىرىنشى رەت باعىمىزدى سىناپ تۇرمىز. بارلىعى دا وتە جوعارى دايىندىقپەن كەلگەن. سوڭعى ەكى كۇندە كوز ىلمەستەن، جارىسقا دايىندالدىم. كورسەتىلىمگە قاعازدان جاسالعان كويلەك كيىپ شىقتىق. ونى ءوزىم قولدان جاسادىم. قيالعا ەرىك بەرۋ كەرەك، ۇشقىر وي دا كەرەك ارينە. ەڭبەگىمىز باعالاندى»، - دەيدى بايقاۋدىڭ ءبىرىنشى ورىن يەگەرى رۋفينا يبرايەۆا.

ال وسى سايىستىڭ باس جۇلدەسى №42 بالاباقشاعا بۇيىردى. ايتا كەتۋ كەرەك، بۇگىن 172 مىڭعا جۋىق تۇرعىنى بار تالدىقورعان قالا كۇنىن ءسان- سالتاناتپەن اتاپ ءوتتى. مەرەكەنى جاستارعا ارنالعان بي كەشى مەن وتشاشۋ قورىتىندىلايتىن بولادى.

 اۆتور: سامال قابىشيەۆا

Талдықорғанда 16 ана мен 16 қыз бала сайысқа түсті

سوڭعى جاڭالىقتار