ق ر پرەزيدەنتى سايلاۋىندا ساعات 16:00 دەگى جاعداي بويىنشا سايلاۋشىلاردىڭ 82,11 پايىزى داۋىس بەردى - و س ك

استانا. قازاقپارات - رەسپۋبليكادا ساعات 16:00 دەگى جاعداي بويىنشا سايلاۋشىلاردىڭ 82,11 پايىزى داۋىس بەردى.

بۇل تۋرالى بۇگىن ق ر ورتالىق سايلاۋ كوميسسياسىندا وتكەن بريفينگتە ق ر و س ك مۇشەسى تاتيانا وحلوپكوۆا ايتتى.

«ورتالىق سايلاۋ كوميسسياسىنىڭ قازاقستان رەسپۋبليكاسى پرەزيدەنتىن سايلاۋدا ساعات 16:00 دەگى سايلاۋشىلاردىڭ داۋىس بەرۋگە كەلۋى تۋرالى مالىمەتتى بەرمەكپىز. وبلىستاردىڭ، استانا جانە الماتى قالالارىنىڭ سايلاۋ كوميسسيالارىنىڭ ۇسىنعان مالىمەتتەرىنە سايكەس، 26 -ساۋىردەگى ساعات 16,00 دەگى جاعداي بويىنشا تىزىمگە ەنگىزىلگەن سايلاۋشىلاردىڭ 82,11 پايىزى سايلاۋ بيۋللەتەنىن الدى»، - دەدى كوميسسيا مۇشەسى.

ت. وحلوپكوۆانىڭ اتاپ وتۋىنشە، ولاردىڭ ىشىندە، اقمولا وبلىسى بويىنشا 85,72، اقتوبە وبلىسى بويىنشا 78,58, الماتى وبلىسى بويىنشا 84,95, اتىراۋ وبلىسى بويىنشا 87,25، شىعىس قازاقستان وبلىسى بويىنشا 89,45، جامبىل وبلىسى بويىنشا 86,04، باتىس قازاقستان وبلىسى بويىنشا 79,01، قاراعاندى وبلىسى بويىنشا 84,73، قىزىلوردا وبلىسى بويىنشا 87,45، قوستاناي وبلىسى بويىنشا 86,75، ماڭعىستاۋ وبلىسى بويىنشا - 76,15 پاۆلودار وبلىسى بويىنشا 82,75، سولتۇستىك قازاقستان وبلىسى بويىنشا 86,93، وڭتۇستىك قازاقستان وبلىسى بويىنشا - 87,30، استانا قالاسى بويىنشا 70,61، ال الماتى قالاسى بويىنشا 62,54 پايىزدى قۇرايدى.

ايتا كەتەيىك، داۋىس بەرۋ رەسپۋبليكا بويىنشا 9741 سايلاۋ ۋچاسكەسىندە ءجۇرىپ جاتىر.

 اۆتور: مارلان جيەمباي