قار ارالاس جاڭبىر جاۋادى: 15-قىركۇيەككە ارنالعان اۋا رايى بولجامى

15-قىركۇيەكتە اتموسفەرالىق فرونتالدى بولىكتەردىڭ اسەرىنەن ەلىمىزدىڭ باسىم بولىگىندە اۋا رايى قۇبىلمالى بولادى، كۇن كۇركىرەپ، جاڭبىر جاۋادى، دەپ حابارلايدى قازاقپارات.

قازگيدرومەت سينوپتيكتەرىنىڭ بولجامى بويىنشا، باتىستا، شىعىستا، وڭتۇستىك- شىعىستا قاتتى جاڭبىر جاۋادى. ەلىمىزدىڭ وڭتۇستىك- شىعىسىنداعى جانە شىعىسىنداعى تاۋلى ايماقتاردا قار ارالاس جاڭبىر جاۋادى.

باتىستا، شىعىستا، وڭتۇستىك- شىعىستا ەكپىندى جەل سوعادى، ورتالىقتا جانە وڭتۇستىك- شىعىستا بۇرشاق جاۋادى. باتىستا، سولتۇستىكتە تۇندە جانە تاڭەرتەڭ تۇمان تۇسەدى.

قىزىلوردادا، ۇلىتاۋ وبلىسىنىڭ وڭتۇستىگىندە توتەنشە ءورت قاۋپى ساقتالادى.

باتىس قازاقستان وبلىسىنىڭ سولتۇستىك- باتىسىندا، وڭتۇستىك- باتىسىندا، شىعىسىندا جانە ورتالىعىندا وتە جوعارى ءورت قاۋپى ساقتالادى.

جامبىل، تۇركىستان، قاراعاندى ​​وبلىستارىندا، اتىراۋدىڭ سولتۇستىگىندە، الماتى وبلىستارىنىڭ سولتۇستىك جارتىسىندا جوعارى ءورت قاۋپى بار.