مەملەكەت باسشىسىنا ءىرى جوبانىڭ جۇمىسى تانىستىرىلدى:15 توننا التىن الۋ جوسپارلانعان

استانا. قازاقپارات - مەملەكەت باسشىسىنا Poly Metal International plc حالىقارالىق كومپانياسى قولعا العان ءىرى جوبانىڭ جۇزەگە اسىرىلۋ بارىسى جونىندە مالىمەت بەرىلدى، دەپ حابارلايدى قازاقپارات اقورداعا سىلتەمە جاساپ.

جوبا اياسىندا قۇرامىندا التىنى بار 300 مىڭ توننا كونتسەنتراتتى قايتا وڭدەپ، ودان 15 توننا التىن الۋ جوسپارلانعان. وندىرىسكە قۇيىلاتىن ينۆەستيتسيا كولەمى - 347 ميلليارد تەڭگە. بۇدان بولەك، پرەزيدەنتكە وڭىردەگى ەلەكتروەنەرگەتيكالىق كاسىپورىنداردىڭ تەحنيكالىق جاعدايى تۋرالى باياندالدى.

وبلىس اكىمى گرەس-1 جانە گرەس-2 ەنەرگوبلوكتارىن، سونداي- اق اقسۋ قالاسىنداعى №7 ەلەكتروستانتسيانى جاڭعىرتۋ جۇمىستارى 2024 -جىلى اياقتالاتىنىن ايتتى. سونىمەن قاتار اسايىن بايحانوۆ ازىق- تۇلىك ءوندىرىسىن ۇلعايتۋ پەرسپەكتيۆاسى جونىندە مالىمەت بەردى. ونىڭ ايتۋىنشا، وبلىستا ءسۇت ءوندىرىسى جانە ونى قايتا وڭدەۋ كولەمى ارتىپ كەلەدى. بيىل قوسىمشا 10 جاڭا زاماناۋي فەرما سالىنادى. وعان 30 ميلليارد تەڭگەدەن استام ينۆەستيتسيا تارتىلعان.

كەزدەسۋ سوڭىندا قاسىم- جومارت توقايەۆ الەۋمەتتىك- ەكونوميكالىق دامۋ جوسپارىنىڭ ورىندالۋىن قامتاماسىز ەتۋدى جانە الەۋەتتى ينۆەستورلار تارتۋ بويىنشا جۇمىستاردى جالعاستىرۋدى تاپسىردى.