ۇسىك، شاڭدى داۋىل، نايزاعاي: ەلىمىزدىڭ 15 وڭىرىندە كۇن بۇزىلادى

استانا. قازاقپارات - قازگيدرومەت ماماندارى اۋا رايىنىڭ بۇزىلۋىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى قازاقپارات.

اتىراۋ وبلىسىنىڭ شىعىسىندا، سولتۇستىگىندە، وڭتۇستىگىندە وڭتۇستىك-شىعىستان كۇشتى جەل سوعادى، ەكپىنى - 15-20 م/س.

قىزىلوردا وبلىسىنىڭ ورتالىعىندا شاڭدى داۋىل سوعادى. سولتۇستىك-شىعىستان، شىعىستان سوققان جەلدىڭ قارقىنى وبلىستىڭ ورتالىعىندا 15-20 م/س جەتەدى.

1- مامىر تۇندە جانە تاڭەرتەڭقوستاناي وبلىسىنىڭ شىعىسىندا تۇمان تۇسەدى. وڭتۇستىك-باتىستان سوعاتىن جەل سولتۇستىك-شىعىسقا اۋىسادى، ەكپىنى - 15-20 م/س. تۇندە وبلىستىڭ شىعىسىندا توپىراق بەتىندە 2 گرادۋس ۇسىك جۇرەدى.

كۇندىز پاۆلودار وبلىسىنىڭ باسىم بولىگىندە سولتۇستىكتەن جەل سوعادى، قارقىنى - 15-20 م/س.

تۇندە اباي وبلىسىنىڭ وڭتۇستىگىندە، كۇندىز وبلىستىڭ باسىم بولىگىندە سولتۇستىك-باتىستان سوققان جەلدىڭ كۇشى 15-20 م/س شاماسىندا.

تۇندە شىعىس قازاقستان وبلىسىنىڭ سولتۇستىگىندە، كۇندىز سولتۇستىگىندە، شىعىسىندا، وڭتۇستىگىندە جاۋىن- شاشىن جاۋادى. سولتۇستىك-باتىستان سوققان جەلدىڭ جىلدامدىعى 15-20 م/س جەتەدى.

1- مامىر كۇندىز تۇركىستان وبلىسىنىڭ تاۋلارىندا نايزاعاي جارقىلاديدى. وبلىستىڭ سولتۇستىگىندە شاڭدى داۋىل سوعادى. شىعىستان، سولتۇستىك-شىعىستان جەل سوعادى، وبلىستىڭ سولتۇستىگىندە، باتىسىندا، تاۋلى اۋداندارىندا كۇشى - 15-20، كۇندىز ەكپىنى - 25 م/س.

شىمكەنت قالاسىندا كۇندىز شىعىستان، سولتۇستىك-شىعىستان جەل سوعادى، قارقىنى - 23 م/س.

كۇندىز باتىس قازاقستان وبلىسىنىڭ باتىسىندا كۇن كۇركىرەيدى. جەل وڭتۇستىك-شىعىستان سوعادى، كۇشى 9-14، كۇندىز وبلىستىڭ باتىسىندا، سولتۇستىگىندە، ورتالىعىندا ەكپىنى - 15-20 م/س.

ۇلىتاۋ وبلىسىندا سولتۇستىك-شىعىستان جەل سوعادى، وبلىستىڭ وڭتۇستىگىندە، شىعىسىندا جەل ەكپىنى 15-20 م/س دەيىن كۇشەيەدى.

1- مامىر تۇندە جانە تاڭەرتەڭ قاراعاندى وبلىسىنىڭ سولتۇستىگىندە تۇمان تۇسەدى. سولتۇستىك-شىعىستان جەل سوعادى، وبلىستىڭ وڭتۇستىگىندە، شىعىسىندا ەكپىنى - 15-20 م/س.

جەتىسۋ وبلىسىنىڭ وڭتۇستىگىندە، تاۋلى اۋداندارىندا نايزاعاي وينايدى. سولتۇستىك-شىعىستان جەل سوعادى، ورتالىقتا، وبلىستىڭ تاۋلى اۋداندارىندا قارقىنى - 15-20, كۇندىز الاكول كولدەرى اۋدانىندا - 24-29 م/س.

ماڭعىستاۋ وبلىسىنىڭ تۇندە باتىسىندا، كۇندىز باتىسىندا، وڭتۇستىگىندە كۇن كۇركىرەيدى. كۇندىز وبلىستىڭ سولتۇستىگىندە، ورتالىعىندا شاڭدى داۋىل سوعادى. سولتۇستىك- شىعىستان سوعاتىن جەل سولتۇستىك-باتىسقا اۋىسادى، وبلىستىڭ سولتۇستىگىندە، ورتالىعىندا جەل جىلدامدىعى 15-20 م/س شاماسىندا.

الماتى وبلىسىنىڭ وڭتۇستىگىندە، تاۋلى اۋداندارىندا نايزاعاي جارقىلدايدى، بۇرشاق جاۋادى. سولتۇستىك-باتىستان سوعاتىن جەل سولتۇستىك-شىعىس باعىتقا اۋىسادى، نايزاعاي كەزىندە ەكپىنى - 18-23 م/س.

الماتى قالاسىندا نايزاعاي وينايدى. سولتۇستىك-باتىستان جەل سوعادى، نايزاعاي كەزىندە جەل ەكپىنى - 15 م/س.