مامىردان باستاپ تاۋارلى گازدىڭ شەكتى كوتەرمە باعاسى 15 پايىزعا قىمباتتايدى
ق ر ەنەرگەتيكا مينيسترلىگى قازاقستاننىڭ ىشكى نارىعىندا تاۋارلىق گازدى كوتەرمە ساۋدادا وتكىزۋدىڭ شەكتى باعالارىن بەكىتۋ تۋرالى بۇيرىقتىڭ جوباسىن دايىندادى.
وعان سايكەس شەكتى كوتەرمە باعا ورتا ەسەپپەن 15 پايىزعا وسەدى.
قازىرگى ۋاقىتتا قازاقستاندا تاۋارلىق گازدىڭ ورتاشا بولشەك ساۋدا باعاسى تۇرعىندار ءۇشىن 22,06 تەڭگە/م3.
تاۋارلى گازعا تۇرعىندارعا ارنالعان شەكتى كوتەرمە باعا 15 پايىزعا وسكەن كەزدە قازاقستانداعى بولشەك ساۋدا باعاسى وڭىرگە بايلانىستى 1,1 دەن 3,87 تەڭگە/م3 گە دەيىن (ق ق س- تى ەسەپتەمەگەندە) وسەدى.
ورتاشا ءوسىم شامامەن 2,7 تەڭگە/م3 قۇرايدى (ق ق س ەسەپتەمەگەندە).
تاۋارلى گاز شەكتى كوتەرمە باعاسىنىڭ ءوسۋى تاۋارلى گازدى جەتكىزۋ قۇنىنىڭ وسۋىنە، تاۋارلىق گاز ءوندىرىسىنىڭ 2019-جىلى 33,1 ميلليارد م3 تەن 2022 -جىلى 27,8 ملرد م3-كە دەيىن تومەندەۋىنە جانە ىشكى نارىقتا تاۋارلى گازدى تۇتىنۋدىڭ 2019 -جىلى 15 ميلليارد م3 تەن 2022-جىلدىڭ قورىتىندىسى بويىنشا 19,3 ميلليارد م3 كە دەيىن وسۋىنە بايلانىستى.
بۇيرىقتىڭ جوباسى قازاقستان وڭىرلەرىن گازبەن جابدىقتاۋدىڭ ەكونوميكالىق جانە الەۋمەتتىك جاعدايلارىن ەسكەرە وتىرىپ، ءاربىر وبلىس، رەسپۋبليكالىق ماڭىزى بار قالا، استانا ءۇشىن جىلدارعا بولە وتىرىپ، 2023-جىلعى 1- شىلدەدەن باستاپ 2028-جىلعى 30- ماۋسىمدى قوسا العان كەزەڭگە ىشكى نارىقتا تاۋارلى گازدى كوتەرمە ساۋدادا وتكىزۋدىڭ شەكتى باعاسىن بەلگىلەۋدى كوزدەيدى.
قازاقستان زاڭناماسىنا سايكەس شەكتى كوتەرمە باعاسىنىڭ ءوسۋى ءبىر كۇنتىزبەلىك جىل ىشىندە 15 پايىزدان اسپاۋعا ءتيىس.
قۇجات «گاز جانە گازبەن جابدىقتاۋ تۋرالى» زاڭىنىڭ 20-بابىنىڭ 3-تارماعىنا سايكەس 15- مامىردان كەشىكتىرىلمەي بەكىتىلەدى.