ىلە وزەنىندە ينسپەكتور مەن قورىقشىنى سۋعا باتىرماق بولعان براكونەرلەر 15 جىلعا سوتتالۋى مۇمكىن

استانا. قازاقپارات - الماتى وبلىسىندا ەلەكتر توگىمەن بالىق اۋلاپ وتىرعان براكونەرلەر قاشىپ كەتتى، دەپ حابارلايدى قازاقپارات بالىق شارۋاشىلىعى كوميتەتىنە سىلتەمە جاساپ.

بالقاش- الاكول وبلىسارالىق بالىق شارۋاشىلىعى باسسەين ينسپەكتسياسىنىڭ تومەنگى ىلە بالىق ينسپەكسياسىنىڭ مەملەكەتتىك ينسپەكتورى «مايتان» ج ش س قورىقشىسىمەن بىرگە ىلە وزەنىندە بىرلەسكەن رەيد جۇرگىزگەن.

ونىڭ بارىسىندا تىيىم سالىنعان قۇرالدى (ەلەكتر توگىن) قولدانا وتىرىپ زاڭسىز بالىق اۋلاۋ دەرەگى انىقتالدى.

ءۇش موتورلى قايىقتا 6 ادام براكونەرلىكپەن اينالىسىپ وتىرعان.

مەملەكەتتىك ينسپەكتور كۇدىكتىلەردى ۇستاۋعا ارەكەت قىلىپ جاتقاندا ولار قارسىلىق كورسەتىپ، ينسپەكتوردىڭ قايىعىن سۋعا باتىرۋعا ارەكەت جاساپ، وقيعا ورنىنان بوي تاسالاپ كەتتى.

بۇل جاعدايدا ق ر قىلمىستىق كودەكسىنىڭ 380-1-بابىندا كوزدەلگەن قۇقىق بۇزۋشىلىق، ياعني مەملەكەتتىك ينسپەكتور مەن قورىقشىنىڭ قىزمەتتىك مىندەتتەرىن ورىنداۋ كەزىندە ولاردىڭ ومىرىنە قول سۇعۋ بار.

وسى باپقا سايكەس جانۋارلار دۇنيەسىن قورعاۋ جونىندەگى مەملەكەتتىك ينسپەكتور مەن قورىقشىعا ولاردىڭ قىزمەتتىك مىندەتتەرىن ورىنداۋ كەزىندە قاساقانا ءىس- ارەكەتى ءۇشىن مۇلكى تاركىلەنە وتىرىپ 10 جىلدان 15 جىلعا دەيىن باس بوستاندىعىنان ايىرۋعا جازالانادى.

سونىمەن قاتار، بالىق رەسۋرستارىن جانە باسقا دا سۋ جانۋارلارىن زاڭسىز وندىرگەنى ءۇشىن ق ر ق ك 335-بابىمەن 3 جىلعا دەيىنگى مەرزىمگە باس بوستاندىعىنان ايىرۋ تۇرىندەگى قىلمىستىق جاۋاپكەرشىلىك بار.

وسىعان بايلانىستى الماتى وبلىسى بالقاش اۋدانىنىڭ پوليتسيا بولىمىنە ۇستاۋ كەزىندە قارسىلىق كورسەتۋ، قىزمەتتىك مىندەتتەرىن اتقارۋ كەزىندە لاۋازىمدى ادامدارعا شابۋىل جاساۋ جانە زاڭسىز بالىق اۋلاۋ فاكتىلەرى بويىنشا ءىس جۇرگىزۋ شەشىمىن قابىلداۋ ءۇشىن ءوتىنىش بەرىلدى.

بۇل ماسەلە بالىق شارۋاشىلىعى كوميتەتىنىڭ باقىلاۋىنا الىندى.