قىتاي 15- ناۋرىزدان باستاپ قازاقستانعا شىعۋ تۋرلارىن قالپىنا كەلتىرەدى

«2023-جىلدىڭ 15- ناۋرىزىنان باستاپ بۇكىل ەل بويىنشا تۋريستىك اگەنتتىكتەر مەن ونلاين- كومپانيالار ەكسپەريمەنتتىك نەگىزدە قىتاي ازاماتتارىنا بەلگىلى ءبىر ەلدەرگە شىعۋعا توپتىق تۋرلار مەن «اۆيابيلەت + قوناق ءۇي» قىزمەتىن ۇيىمداستىرۋدى قالپىنا كەلتىرەدى»، - دەلىنگەن ق ح ر مادەنيەت جانە تۋريزم مينيسترلىگىنىڭ مالىمدەمەسىندە.

بۇل تىزىمگە قازاقستاننان باسقا نەپال، برۋنەي، ۆەتنام، موڭعوليا، يران، يوردانيا، تانزانيا، ناميبيا، وزبەكستان، گرۋزيا، ازەربايجان، ارمەنيا، سەربيا، حورۆاتيا، فرانسيا، گرەتسيا، يسپانيا، يسلانديا، يتاليا، دانيا، پورتۋگاليا، سلوۆەنيا، برازيليا، چيلي، ۋرۋگۆاي جانە باسقا دا ءبىرقاتار ەلدەر كىرەدى.

2023-جىلدىڭ 8- قاڭتارىندا قىتاي بيلىگى جۇقپالى اۋرۋلار رەيتينگىندەگى COVID-19 كلاسسيفيكاتسياسىن «A» ساناتىنان «B» ساناتىنا ءتۇسىرىپ، قىتايدان باسقا مەملەكەتتەرگە ساياحاتتى بىرتىندەپ قالپىنا كەلتىرە باستادى. تۋريستىك ماقساتتا شەتەلگە شىعۋعا ءتولقۇجات الۋ ءۇشىن قىتاي ازاماتتارىنىڭ وتىنىشتەرىن قابىلداۋ جانە قاراۋ راسىمدەرى قالپىنا كەلتىرىلدى.

قىتاي ستاتيستيكاسىنا سايكەس، 2019-جىلدىڭ ءبىرىنشى جارتىجىلدىعىندا قىتايلىق تۋريستەر شەتەلدە 1127,5 ميلليارد دوللار جۇمساعان. امەريكا كونتينەنتى %24 بەن ەكىنشى ورىندا، ودان كەيىن ەۋروپا - %13.

بۇعان دەيىن قىتاي باسشىلىعى كوۆيدتى جەڭگەنىن جاريالاعان بولاتىن. قىتاي كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتىنىڭ وكىلدەرى قىتاي وتكەن قاراشادان باستاپ COVID-19 الدىن الۋ جانە باقىلاۋ سالاسىندا ۇلكەن جەڭىسكە جەتكەنىن اتاپ ءوتتى.