ا ق ش- تا 15 جاسار جاسوسپىرىم بەس ادامدى اتىپ ءولتىردى

كۇدىكتى اۋىر جاراقاتپەن اۋرۋحاناعا تۇسكەن. قايعىلى وقيعاعا بايلانىستى قارا جامىلعان وتباسىلارعا كوڭىل ايتقان ا ق ش پرەزيدەنتى قارۋ ساتۋعا تىيىم سالۋعا شاقىردى. وسى جىلى، بۋففالوداعى ونداعان وقۋشىنىڭ ءومىرىن قيعان جاپپاي قىرعىننان كەيىن بايدەن اكىمشىلىگى جارتىلاي اۆتوماتتى قارۋلاردى جيىرما ءبىر جاسقا تولماعان جاستارعا ساتۋدى شەكتەيتىن زاڭ قابىلداعان. ءبىراق، بەيبىت تۇرعىندارعا قارۋ كەزەنۋ قىلىمىسى ازايماي تۇر. سوندىقتان اق ءۇي شابۋىلداۋشى قارۋلاردىڭ ساۋداسىنا مۇلدەم تيىم سالۋعا ءازىر. ارنايى زاڭدى كونگرەستىڭ وكىلدەر پالاتاسى ماقۇلدادى. ەندى سەنات بەكىتۋى ءتيىس دەيدى ا ق ش پرەزيدەنتى.

ايتا وتەيىك، جىل باسىنان بەرى ەلدە 540-تان اسا جاپپاي وق اتۋ وقيعاسى تىركەلىپ، جۇزدەگەن ادام قازا تاپتى.

https://qazaqstan.tv