سالىق تولەۋشىلەر 15- قىركۇيەككە دەيىن باقىلاۋ- كاسسا ماشيناسىنىڭ باعدارلاماسىن جاڭارتۋى قاجەت
بۇل تۋرالى ق ر ق م مەملەكەتتىك كىرىستەر كوميتەتى حابارلادى. 2022 -جىلى دەرەكتەردى تىركەۋ جانە بەرۋ فۋنكسياسى بار باقىلاۋ- كاسسا ماشينالارىن قولدانۋ تارتىبىنە (سالىق كودەكسىنىڭ 166-بابىنا) وزگەرىستەر مەن تولىقتىرۋلار ەنگىزىلگەن.
وسىعان بايلانىستى، «باقىلاۋ- كاسسا ماشينالارىن قولدانۋ ماسەلەلەرى بويىنشا» جۇمىس توبى شەڭبەرىندە باقىلاۋ- كاسسا ماشينالارىنىڭ ازىرلەۋشىلەرىمەن جانە فيسكالدىق دەرەكتەر وپەراتورلارىمەن بىرلەسىپ باقىلاۋ- كاسسا ماشينالارىمەن اقشالاي ەسەپ ايىرىسۋلار تۋرالى مالىمەتتەردى بەرۋ بويىنشا وپەراتوردىڭ سەرۆەرىنە دەرەكتەردى بەرۋدىڭ ءبىرىڭعاي حاتتاماسى جاڭارتىلدى جانە بەكىتىلدى. وسى نەگىزدە مودەلدەرى باقىلاۋ- كاسسا ماشينالارىنىڭ مەملەكەتتىك تىزىلىمىنە ەنگىزىلگەن، دەرەكتەردى تىركەۋ جانە بەرۋ فۋنكسياسى بار باقىلاۋ- كاسسا ماشينالارىن قولداناتىن بارلىق كاسىپكەرلەرگە 2022 -جىلعى 15- قىركۇيەككە دەيىنگى مەرزىمدە وزدەرىنىڭ جۇمىس ىستەپ تۇرعان باقىلاۋ- كاسسا ماشينالارىن قايتا باعدارلامالاۋ قاجەت.
15- قىركۇيەكتەن باستاپ 2.0.2-تەن باسقا حاتتامالارعا فيسكالدىق دەرەكتەر وپەراتورلارى قولداۋ كورسەتپەيدى. وسىعان بايلانىستى بارلىعىنا باقىلاۋ- كاسسا ماشينالارىن 2.0.2 حاتتاما نۇسقاسىنا دەيىن الدىن الا جاڭارتۋعا كەڭەس بەرەمىز.
سالىق كودەكسىنىڭ 171-بابىنا سايكەس تاۋارلاردى وتكىزۋ، جۇمىستاردى ورىنداۋ، قىزمەتتەردى كورسەتۋ كەزىندە جۇزەگە اسىرىلاتىن اقشالاي ەسەپ ايىرىسۋلار تۋرالى دەرەكتەردى تىركەۋ جانە (نەمەسە) بەرۋ فۋنكسياسى بار باقىلاۋ- كاسسا ماشينالارىنىڭ مالىمەتتەرىن قابىلداۋ، ساقتاۋ بويىنشا قىزمەتتەر كورسەتۋدى، سونداي- اق ولاردى سالىق ورگاندارىنا بەرۋدى فيسكالدىق دەرەكتەر وپەراتورى جۇرگىزەدى.
«باقىلاۋ- كاسسا ماشينالارىن قولدانۋدىڭ كەيبىر ماسەلەلەرى تۋرالى» قارجى ءمينيسترىنىڭ بۇيرىعىنا سايكەس باقىلاۋ- كاسسا ماشينالارى فيسكالدىق دەرەكتەر وپەراتورىنىڭ سەرۆەرىنە مەملەكەتتىك كىرىستەر ورگاندارىنا اقشالاي ەسەپ ايىرىسۋلار تۋرالى مالىمەتتەردى بەرۋدى قامتاماسىز ەتەتىن تەحنيكالىق تالاپتارعا جانە سايكەستىك نىسانىنا، باقىلاۋ- كاسسا ماشينالارىنىڭ تەحنيكالىق تالاپتارىنا سايكەس اقشالاي ەسەپ ايىرىسۋلار تۋرالى مالىمەتتەردى بەرەدى.
