18:30, 06 - ماۋسىم 2022 | GMT +5
ءۇش ايلىق قىزىن ولتىرگەن كەلىنشەك 15 جىلعا سوتتالدى
تۇركىستان. قازاقپارات - قايىن ەنەسىمەن ۇرىسىپ قالعان كەلىنشەك سابيىمەن بىرگە كەلەس وزەنىنە سەكىرىپ كەتكەن بولاتىن، دەپ حابارلايدى قازاقپارات ءتىلشىسى.
قايعىلى وقيعا وتكەن جىلدىڭ جەلتوقسان ايىندا بولعان.
قايىن ەنەسىمەن ۇرىسىپ قالعان كەلىنشەك ەمحاناعا بارار جولدا ءوزىن جانە ءسابيىن ولتىرۋگە بەل بايلاعان.
سودان كەلەس وزەنىنىڭ سۋىنا قىزىمەن بىرگە سەكىرىپ كەتكەن. سول كەزدە ءۇش ايلىق ءسابيى سۋعا تۇنشىعىپ قالعان.
تۇركىستان وبلىسىنىڭ قىلمىستىق ىستەرگە مامانداندىرىلعان اۋدانارالىق سوتى جاس انانى قىلمىستىق كودەكستىڭ 99-بابىنىڭ 3-بولىگى بويىنشا كىنالى دەپ تانىدى.
كەلىنشەك 15 جىل مەرزىمگە باس بوستاندىعىنان ايىرىلدى.
