سوڭعى ونجىلدىقتاردا ەل وڭىرلەرىندە 15 مىڭعا جۋىق ءۇي سۋ استىندا قالدى

نۇر-سۇلتان. قازاقپارات - سوڭعى ونجىلدىقتاردا ەلدىڭ ەل وڭىرلەرىندە سۋ تاسقىنىنان 400-دەن استام ەلدى مەكەن زارداپ شەككەن.

بۇل تۋرالى سەناتتىڭ جالپى وتىرىسىندا ق ر توتەنشە جاعدايلار ءمينيسترى يۋري يلين ءمالىم ەتتى، دەپ حابارلايدى قازاقپارات ءتىلشىسى.

«جىل سايىن كوكتەمدە ءبىز سۋ تاسقىنى قۇبلىستارىنا تاپ بولامىز. سوڭعى ونجىلدىقتاردا ماڭعىستاۋ وبلىسىن قوسپاعاندا، ەلدىڭ بارلىق وڭىرىندە اۋقىمدى سۋ تاسقىنىنان 431 ەلدى مەكەن زارداپ شەككەن، 15 مىڭعا جۋىق ءۇي سۋ استىندا قالدى. ەڭ ءىرى قايعىلى وقيعالار الماتى جانە قاراعاندى وبلىستارىندا ورىن الدى، بۇل قىزىلاعاش (2010 -جىل) جانە كوكپەكتى (2014 -جىل) اۋىلدارىنداعى بوگەتتەردىڭ جارىلۋى سالدارىنان 50 ادام قازا تاپتى (45/5)»، - دەدى يۋ. يلين.

ونىڭ ايتۋىنشا، سۋ تاسقىنى جىل بويى ءجۇرىپ جاتقان 2014 -جىل قيىن بولدى. اقپان ايىندا قىزىلوردا وبلىسىن، ناۋرىز ايىندا قاراعاندى وبلىسىن، ساۋىردە اقمولا وبلىسىنداعى اتباساردى سۋ باستى.

ال 28-شىلدەدە نوسەر جاڭبىردان كەيىن سۋ كوكشەتاۋعا كەلدى. جەلتوقسان ايىندا ەرتىس وزەنىندەگى مۇز كەپتەلىسىنىڭ سالدارىنان شىعىس قازاقستان وبلىسىنداعى ۆوستوچنوە اۋىلىن دا سۋ باستى. جاڭا جىل قارساڭىندا سۋ سىرداريا جاعالاۋىنان شىعىپ، بوتاباي كەنتىنە جەتتى.

«ەڭ كوپ سۋ 2017 -جىلى بولدى. قازاقستاننىڭ 7 وڭىرىندە 2000 عا جۋىق ءۇي زارداپ شەكتى جانە قاراعاندى، اقمولا، شىعىس قازاقستان، پاۆلودار وبلىستارىنىڭ سول گەوپوزيتسياسى قايتادان سۋ استىندا قالدى. توتەنشە جاعداي رەجيمى جاريالاندى، قۇتقارۋشىلار مەن ەرىكتىلەر تاۋلىك بويى جۇمىس ىستەدى»، - دەدى مينيستر.

ايتا كەتەيىك، جاقىندا باتىس قازاقستاندا سۋ تاسقىنى قاۋپى تونگەن اۋىلدان تۇرعىندار كوشىرىلدى. سونىمەن قاتار بيىل ساۋىردە اقمولا وبلىسىنىڭ بەس اۋدانىندا سۋ تاسقىنى قاۋپى جويىلدى.