كوروناۆيرۋس: قىرعىزستاندا تاۋلىك ىشىندە 15 ادام اۋرۋ جۇقتىرىپ، ەكى ادام قايتىس بولعان
رەسپۋبليكانىڭ دەنساۋلىق ساقتاۋ مينيسترلىگىنىڭ حابارلاۋىنشا، ولاردىڭ 10 ى بىشكەكتە، تاعى بەسەۋى - وش قالاسىندا تىركەلدى. پاندەميا باستالعالى، بارلىعى 200337 وقيعا تىركەلگەن.
سوڭعى تاۋلىكتە رەسپۋبليكا بويىنشا COVID-19 دياگنوزىمەن جاتقان 119 ناۋقاس جازىلىپ، ۇيلەرىنە شىعارىلدى.
ولاردىڭ ىشىندە: بىشكەكتە - 65، وش قالاسىندا - 2، شۋ وبلىسىندا - 15، وش وبلىسىندا - 2، تالاس وبلىسىندا - 2، نارىن وبلىسىندا - 3، ىستىقكول وبلىسىندا - 11، جالال- اباد وبلىسىندا - 7، باتكەن وبلىسىندا - 9 ادام.
بۇگىندە بۇكىل رەسپۋبليكادا 235 ناۋقاس ستاتسيونارلىق، تاعى 1366 ناۋقاس امبۋلاتورلىق ەم الۋدا. سوڭعى تاۋلىكتە COVID-19 ينفەكسياسىنان 2 ءولىم وقيعاسى تىركەلدى.
رەسپۋبليكادا قاۋىپتى ۆيرۋستان 2946 ءولىم جاعدايى تىركەلدى، ونىڭ ىشىندە 1242 سى زەرتحانالىق، 1704 ى كلينيكالىق- ەپيدەميولوگيالىق جولمەن راستالعان جاعدايلار.
بىشكەكتە ءبىر تاۋلىكتە مەديتسينا قىزمەتكەرلەرى اراسىندا COVID-19 ينفەكسياسىنىڭ 1 جاڭا وقيعاسى تىركەلدى. COVID-19 دياگنوزى قويىلعان مەديتسينا قىزمەتكەرلەرىنىڭ جالپى سانى - 7742.
اۆتور: زارينا تۋعانبايەۆا
