قازاقستاندا ءاربىر شەتەلدىك تۋريست ءۇشىن تۋروپەراتورلارعا 15 مىڭ تەڭگە تولەنەدى
«2021-جىلعى 30 - ساۋىردە پرەزيدەنت تۋريستىك قىزمەت تۋرالى زاڭعا تۇزەتۋلەرگە قول قويدى، وندا 2022-جىلعى 1- قاڭتاردان باستاپ مەملەكەتتىك قولداۋدىڭ جاڭا 7 شاراسى كوزدەلگەن. قازىر Kids go free - بالالاردىڭ تۋرپاكەت اياسىندا تەگىن ۇشۋى باعدارلاماسىن باستاۋ تۋرالى اقپارات ءجۇرىپ جاتىر.
ودان باسقا، سانيتارلىق-گيگيەنالىق توراپتاردى كۇتىپ-ۇستاۋدى سۋبسيديالاۋ؛ اۆتوبۋستاردى ساتىپ الۋ كەزىندەگى شىعىنداردى وتەۋ باستاماسى بار. ياعني، تۋروپەراتور، تۋراگەنت نەمەسە گ ي د اۆتوبۋس ساتىپ الا الادى جانە ينۆەستيتسيالىق شىعىنداردىڭ %25 ىن مەملەكەت وتەيدى.
تۋريستىك قىزمەت نىساندارىن - قوناق ۇيلەردى، حوستەلدەردى، كەمپينگتەردى جانە باسقا دا نىسانداردى سالۋ كەزىندە مەملەكەت ينۆەستيتسيالىق شىعىنداردىڭ %10 ىن وتەيدى. جول بويىنداعى سەرۆيس وبەكتىلەرىن سالۋ كەزىندە ينۆەستيتسيالىق شىعىنداردى سۋبسيديالاۋ باعدارلاماسى ىسكە قوسىلدى. جول بويىنداعى سەرۆيس - كەز كەلگەن تۋريستىڭ دەمالىسىنىڭ اجىراماس بولىگى»، - دەدى ايدوس ساكەنوۆ نۇر-سۇلتاندا وتكەن جينالىستا تىلشىلەرگە بەرگەن سۇحباتىندا.
كوميتەت ءتوراعاسى اتاپ وتكەندەي، شەتەلدىك تۋريستەردى تارتۋ بويىنشا دا شارالار قاراستىرىلعان.
«شارالار اياسىندا ءاربىر شەتەلدىك تۋريست ءۇشىن تۋروپەراتورلارعا 15 مىڭ تەڭگە تولەيتىن بولامىز. 2022-جىلدان باستاپ حالىقارالىق تاجىريبە بويىنشا bed tax نورماسى كۇشىنە ەندى. بيىل %0 مولشەرلەمە بەلگىلەنگەن، كەيىننەن ول قاعيدالاردا بەكىتىلگەن ادىستەمەگە سايكەس، ءارتاراپتاندىرىلادى. بۇل شارالاردىڭ بارلىعى ىشكى-سىرتقى تۋريزمىن دامىتۋعا، ازاماتتارىمىزدى ەل ىشىندە دەمالۋعا ىنتالاندىرۋعا باعىتتالعان. 1- قاڭتاردان باستاپ بارلىق نورمالار كۇشىنە ەندى»، - دەدى ايدوس ساكەنوۆ.
سونىمەن بىرگە، تاۋ شاڭعىسى كۋرورتتارىن قولداۋ شارالارى دا ىسكە قوسىلدى. كوميتەت ءتوراعاسىنىڭ ايتۋىنشا، جابدىقتار مەن تەحنيكالار ساتىپ الۋ، اتاپ ايتقاندا قار گەنەراتورلارى، اسپالى جولدار، راتراكتاردىڭ %25 ى سۋبسيديالانادى.
