قالىڭ قار، كوكتايعاق، بوران: 15-اقپانعا ارنالعان اۋا رايى
اتموسفەرالىق فرونتتارعا بايلانىستى قازاقستاننىڭ باسىم بولىگىندە تۇراقسىز اۋا رايى ساقتالادى. ەلىمىزدىڭ سولتۇستىگى مەن شىعىسىندا قالىڭ قار جاۋادى. رەسپۋبليكانىڭ كەي جەرلەرىندە تۇمان تۇسەدى، بۇرقاسىن سوعىپ، جەل كۇشەيەدى، ەلىمىزدىڭ وڭتۇستىگىندە، وڭتۇستىك- شىعىسىندا كوكتايعاق بولادى.
جامبىل وبلىسىنىڭ سولتۇستىگىندە جانە تاۋلى اۋداندارىندا تۇمان، كوكتايعاق، وبلىستىڭ وڭتۇستىك- باتىسىندا جانە تاۋلى اۋدانداردا جەل كۇشەيەدى. جەل جىلدامدىعى - 15-20 م/س، تۇندە - 23-28 م/س.
پاۆلودار وبلىسىندا بۇرقاسىن، وبلىستىڭ سولتۇستىگىندە - قاتتى بۇرقاسىن، جەل 15-20 م/س دەيىن كۇشەيىپ، كۇندىز وبلىستىڭ باتىسىندا، وڭتۇستىگىندە جەلدىڭ ەكپىنى 23-28 م/س بولادى.
شىعىس قازاقستان وبلىسىنىڭ باسىم بولىگىندە بوران بولادى. جەل قارقىنى 15-20 م/س جەتەدى. وبلىستىڭ باتىسىندا جەلدىڭ كۇشى - 23-28 م/س.
تۇركىستان وبلىسىنىڭ سولتۇستىگىندە، باتىسىندا، تاۋلى اۋداندارىندا تۇمان تۇسەدى، وبلىستىڭ سولتۇستىگىندە، تاۋلى اۋداندارىندا كوكتايعاق، تاۋلى اۋدانداردا جەل ەكپىنى - 23 م/س.
اقمولا وبلىسىندا بۇرقاسىن، وبلىستىڭ سولتۇستىگىندە، باتىسىندا تۇمان، تۇندە وبلىستىڭ باسىم بولىگىندە، كۇندىز وبلىستىڭ شىعىس جارتىسىندا جەلدىڭ كۇشى 23 م/س جەتەدى.
الماتى وبلىسىنىڭ سولتۇستىگىندە جانە تاۋلى اۋداندارىندا جاياۋ بۇرقاسىن كوتەرىلەدى. وبلىستىڭ سولتۇستىگىندە، وڭتۇستىگىندە، شىعىسىندا تۇمان، كوكتايعاق، جولداردا قارلى قاتقاق، وبلىستىڭ سولتۇستىگىندە جانە شىعىسىندا جەل ەكپىنى - 15-20 م/س.
ماڭعىستاۋ، باتىس قازاقستان وبلىستارىنىڭ سولتۇستىگىندە، اقتوبە وبلىسىنىڭ وڭتۇستىك- باتىسىندا تۇمان تۇسەدى. قوستاناي وبلىسىنىڭ سولتۇستىگىندە تۇمان ءتۇسىپ، وڭتۇستىگىندە جەلدىڭ قارقىنى 15-20 م/س دەيىن كۇشەيەدى.
سولتۇستىك قازاقستان وبلىسىنىڭ شىعىسىندا، وڭتۇستىك- شىعىسىندا بوران سوعادى. جەل جىلدامدىعى - 15-20 م/س.
تۇندە قاراعاندى وبلىسىندا باسىم بولىگىندە، كۇندىز سولتۇستىگى مەن شىعىسىندا بۇرقاسىن سوعادى، جەلدىڭ كۇشى 15-20 م/س جەتەدى.
قىزىلوردا وبلىسىنىڭ وڭتۇستىگىندە تۇمان تۇسەدى، تۇندە سولتۇستىگى مەن ورتالىعىندا جەلدىڭ ەكپىنى - 15-20 م/س.
