11:03, 09 - اقپان 2022 | GMT +5
تارازدا 15 قارۋ مەن مىڭعا جۋىق وق ءدارى تابىلدى
نۇر-سۇلتان.قازاقپارات - تارازدا پوليتسەيلەر مەن ۇلتتىق ۇلان اسكەريلەرى قالا اۋماعىنان 15 قارۋ مەن مىڭعا جۋىق وق تاپتى. ىزدەستىرۋ شارالارى قالاداعى قاراۋسىز نىساندار، جەرتولەلەر مەن تۇرعىن ۇيلەردىڭ شاتىرلارىندا جۇرگىزىلگەن.
قىلمىسكەرلەر ۇرلانعان قارۋلاردى زيراتتارعا دا جاسىرعان. ءتىنتۋ جۇمىستارىنا ءيىسشىل يتتەر كومەكتەستى. ناتيجەسىندە ءبىر اپتانىڭ ىشىندە 3 «كالاشنيكوۆ» اۆتوماتى، 6 اڭشى مىلتىعى، 3 «ماكاروۆ» تاپانشاسى، 3 تراۆماتيكالىق تاپانشا مەن ءتۇرلى كاليبرلى 1000 عا جۋىق پاترون تابىلدى. قارۋ- جاراقتاردىڭ بارلىعى سوت- بالليستيكالىق ساراپتاماعا جىبەرىلدى.
گۇلسارا مۇحتارقۇلوۆا، جامبىل وبلىسى پ د باسپا ءسوز قىزمەتىنىڭ جەتەكشىسى:
- قارۋ- جاراقتى ەرىكتى تۇردە تاپسىرۋ اكسياسى جالعاسىپ جاتىر. پوليتسياعا قارۋدىڭ زاڭسىز ساقتالۋى تۋرالى اقپارات بەرگەن نەمەسە ءوز ەركىمەن الىپ كەلگەن تۇرعىندار قىلمىستىق جانە اكىمشىلىك جاۋاپقا تارتىلمايدى.
www.24.kz
