جاپونيادا وليمپيادا ۇيىمداستىرۋشىلارى اراسىنان 15 ادام كوروناۆيرۋس جۇقتىردى

بۇل تۋرالى سەنبىدە وليمپيادانىڭ ۇيىمداستىرۋ كوميتەتى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.

ونىڭ اراسىندا وليمپيادا نىساندارىندا جۇمىس ىستەپ جۇرگەن جەتى قىزمەتكەر، ەكى جۋرناليست جانە جارىستى ۇيىمداستىرۋشى التى ادام بار. سوڭعىلاردىڭ ءبىرى - توكيوداعى وليمپيادا قالاشىعى اۋماعىندا ۆيرۋستى العاشقى جۇقتىرعان ادام. ول شەتەلدىك قۇرامانىڭ مۇشەسى بولعانى بەلگىلى، ءبىراق سپورتشى ەمەس. قازىرگى ۋاقىتتا جاپونياعا كەلگەن سپورتشىلاردان جانە بىرنەشە ەلدەن كەلگەن كوماندا مۇشەلەرىنەن كوروناۆيرۋس انىقتالدى.

ول يزرايل، ۋگاندا جانە سەربيانىڭ اتلەتتەرىنەن، سونداي-اق نيگەريا مەن رەسەي قۇرامالارىنىڭ قوسالقى قىزمەتكەرلەرىنەن تابىلدى. توكيو وليمپياداسى 2020 -جىلدىڭ 24-شىلدەسى مەن 9 -تامىزى ارالىعىندا ءوتۋى ءتيىس بولعان. پاندەمياعا بايلانىستى جارىستار ءبىر جىلعا كەيىنگە قالدى، ەندى ول 23-شىلدەدەن 8-تامىزعا دەيىن وتەدى. ۇيىمداستىرۋشىلار ويىنداردى شەتەلدىك جانكۇيەرلەرسىز وتكىزۋگە شەشىم قابىلدادى، سونىمەن قاتار جەرگىلىكتى كورەرمەندەر توكيونى قوسا العاندا، التى جاپون پرەفەكتۋراسىندا وليمپيادا شارالارىنا جىبەرىلمەيدى.

جارىس باستالاردان التى كۇن بۇرىن توكيودا جاڭا كوروناۆيرۋستىڭ تارالۋىنا بايلانىستى جاعداي قيىندادى: جاپونيا استاناسىندا انىقتالعان جاڭا جاعدايلاردىڭ تاۋلىكتىك ءوسىمى مىڭنان اسادى. 12-شىلدەدەن باستاپ توكيودا ەپيدەميالىق احۋالدىڭ ناشارلاۋىنا بايلانىستى توتەنشە جاعداي رەجيمى قايتادان كۇشىنە ەنىپ، 22-تامىزعا دەيىن جالعاسادى.

اۆتور: اياۋلىم التىنبەك