الماتىدا 15-شىلدەدەن باستاپ ۇجىمداردىڭ ۆاكسينا العان-الماعانى تەكسەرىلە باستايدى

الماتى. قازاقپارات - الماتىنىڭ باس سانيتار دارىگەرى جانداربەك بەكشين قاۋىپتى ىندەتتىڭ ادامنىڭ بويىنداعى اۋرۋدى اسقىندىراتىنىن، سوندىقتان ۇجىمدىق يممۋنيتەتتى قالىپتاستىرۋ ءۇشىن ۆاكسينا سالدىرۋ قاجەت ەكەنىن ايتتى، دەپ حابارلايدى قازاقپارات ءتىلشىسى.

الماتى قالاسى سانيتارلىق- ەپيدەميولوگيالىق باقىلاۋ دەپارتامەنتىنىڭ باستىعى، قالانىڭ باس مەملەكەتتىك سانيتار دارىگەرى جانداربەك بەكشين قازىرگى كەزدە قالانىڭ ۆاكسيناتسيا ورتالىقتارىندا كوروناۆيرۋستىڭ مۋتاتسيالانعان شتامدارىنا قارسى ءتيىمدى بارلىق ۆاكسينا جەتكىلىكتى ەكەنىن ايتتى.

«ءبىز كوروناۆيرۋستىڭ شەكتەن تىس وسۋىنە جول بەرمەۋ ءۇشىن قولدان كەلگەننىڭ ءبارىن جاسايمىز. قالا اكىمدىگى، مەديتسينالىق قوعامداستىق، سانيتارلىق قىزمەت جاعدايدى تۇراقتاندىرۋ ءۇشىن ءبارىن جاساۋدا. الايدا، كوپ نارسە ۆاكسيناتسيالاۋدى قاجەت ەتەتىن مەگاپوليستىڭ تۇرعىندارىنا بايلانىستى. بۇل ولىمگە اكەلەتىن ۆيرۋستان قورعانۋدىڭ جانە وعان قارسى تۇرۋدىڭ جالعىز جولى»، - دەپ باسا ايتتى جانداربەك بەكشين.

الماتى قالاسىنىڭ باس مەملەكەتتىك سانيتار دارىگەرى قالالىقتاردىڭ ۆاكسيناتسيالاۋعا دايىن ەكەنىن اتاپ ءوتتى.

سونىمەن قاتار، جاڭا قاۋلىعا بايلانىستى بارلىق مەنشىك فورماسىنداعى كاسىپورىندار مەن ۇيىمداردىڭ ۇجىمدارىنا ۆاكسيناتسيا كۇشەيتىلدى.

ونىڭ ايتۋىنشا، 15-شىلدەدەن كەيىن مونيتورينگ توپتارى قازاقستان باس مەملەكەتتىك سانيتار دارىگەرىنىڭ قاۋلىسىنا سايكەس مىندەتتى ۆاكسيناتسيالاۋدى قاجەت ەتەتىن ۇيىمداردىڭ بارلىق توپتارىن تەكسەرۋدى باستايدى.

ەسكە سالا كەتەيىك، 1-اقپان مەن 2-شىلدە ارالىعىندا الماتىدا 487736 ادام ۆاكسيناتسيالانعان. وتكەن تاۋلىكتە 15292 ادامعا ۆاكسينا ەگىلدى.

قالادا مەديتسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلار مەن ساۋدا جانە ويىن- ساۋىق ورتالىعىندا 211 ۆاكسيناتسيا پۋنكتى بار.

1257 ادامنان تۇراتىن 304 ۆاكسيناتسيا توبى تارتىلدى.

اۆتور: الما مۇقانوۆا