الماتىدا ەسىرتكى قولدانىپ وتىرعان جەرىنەن 15 ادام ۇستالدى

الماتى. قازاقپارات - الماتىدا پوليسيا قىزمەتكەرلەرى ەسىرتكى قولدانۋشىلار جينالاتىن ورىندى انىقتادى، دەپ حابارلايدى قازاقپارات ءتىلشىسى.

پوليسيا دەپارامەنتىنىڭ مالىمەتىنە سايكەس، اۋەزوۆ اۋدانىنداعى پاتەرلەردىڭ بىرىنە ەسىرتكى تۇتىنۋ ءۇشىن 15 ادامعا دەيىن جينالعان.

«ەسىرتكى ءۇيىنىڭ باستاماشىسى جانە ۇيىمداستىرۋشىسى پاتەردىڭ يەسى - 44 جاستاعى ازامات بولىپ شىقتى. ول ءوزى دە ەسىرتكى قولدانۋشى. ونىڭ ۇيىنەن مەفەدرون، گەروين سياقتى زاتتار تابىلدى جانە تاركىلەندى. اتالعان فاكتى بويىنشا ۇستالعان ازاماتقا قاتىستى ق ر ق ك- ءنىڭ 296-بابى 4-بولىگىمەن سوتقا دەيىنگى تەرگەۋ باستالدى. «قوناقتار» دا پوليسيا بولىمىنە جەتكىزىلىپ، جاۋاپ الىندى. كۇدىكتى ۋاقىتشا ۇستاۋ يزولياتورىنا ورنالاستىرىلدى، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

سونىمەن قاتار، ول ءبىر كۇن بۇرىن الماتىدا گەروين ساتۋشىسى ۇستالعانىن اتاپ ءوتتى. «ارلان» ارنايى بولىمشەسىنىڭ جانە كينولوگيالىق ورتالىقتىڭ قىزمەتكەرلەرىمەن ءوزارا ارەكەتتەسۋ كەزىندە الماتى وبلىسىنىڭ 33 جاستاعى تۇرعىنى ەسىرتكى ساتقانى ءۇشىن ۇستالدى. اتالعان فاكتى بويىنشا ق ر قك- ءنىڭ 297-بابى 1-بولىگىمەن سوتقا دەيىنگى تەرگەۋ باستالدى. الماتىعا ەسىرتكى جەتكىزۋ ارنالارىن انىقتاۋ شارالارى جۇرگىزىلۋدە»، - دەپ ءتۇسىندىردى ەرلان الماعامبەتوۆ.