قازگيدرومەت: 15-ناۋرىزعا ارنالعان اۋا رايى بولجامى
قازاقستان تەرريتورياسىنىڭ باسىم بولىگىنە انتيتسيكلون اسەر ەتەدى. وسىعان بايلانىستى جاۋىن- شاشىن جاۋمايدى. تەك وڭتۇستىكتە جانە شىعىستا اتموسفەرالىق فرونتتاردىڭ وتۋىنە بايلانىستى تۇراقسىز اۋا رايى ساقتالادى: كەي جەرلەردە جاۋىن-شاشىن جاۋادى، بوران سوعىپ، كوكتايعاق بولادى، جەل كۇشەيەدى. كەي جەرلەردە تۇمان تۇسەدى.
قىزىلوردا، اتىراۋ، باتىس قازاقستان، قوستاناي، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان تۇسەدى.
شىعىس قازاقستان وبلىسىنىڭ كەي جەرلەرىندە جاياۋ بۇرقاسىن سوعادى. كۇندىز ماڭعىستاۋ وبلىسىنىڭ كەي جەرلەرىندە جەلدىڭ ەكپىنى 15-20 م/س جەتەدى.
الماتى وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى. تۇندە كەي جەرلەردە جەل قارقىنى - 15-20 م/س.
تۇركىستان، جامبىل وبلىستارىنىڭ كەي جەرلەرىندە - تۇمان، كوكتايعاق، بوران. كەي جەرلەردە جەل جىلدامدىعى 15-20 م/س دەيىن كۇشەيەدى.
