قاراعاندى وبلىسىنىڭ 15-ناۋرىزدان باستاپ كارانتين شارالارى كۇشەيتىلەدى
سونداي-اق مەكتەپتەردە، مادەنيەت نىسادارىندا، بانكتەردە جانە «قازپوشتا» بولىمشەلەرىندە، مەملەكەتتىك ورگانداردا بەلگىلى ءبىر شەكتەۋلەر قويىلدى، دەپ حابارلايدى قازاقپارات ءتىلشىسى.
قاراعاندى وبلىسىنىڭ باس مەملەكەتتىك سانيتارلىق دارىگەرىنىڭ 2021 -جىلعى 19-قاڭتارداعى № 2-ق قاۋلىسىنا وزگەرىستەر مەن تولىقتىرۋلار ەنگىزۋ تۋرالى قاراعاندى وبلىسىنىڭ باس مەملەكەتتىك سانيتاريالىق دارىگەرىنىڭ 2021 -جىلعى 12-ناۋرىزداعى №7-ق قاۋلىسىنا سايكەس كەلەسىدەي شەشىم قابىلداندى:
- اس بەرۋ (ەسكە الۋ) شارالارىن وتكىزۋگە تىيىم سالىنادى؛
- بۇدان باسقا، «Ashyq» پيلوتتىق جوباسى ىسكە اسىرىلاتىن قاراعاندى قالاسىنىڭ وبەكتىلەرىن قوسپاعاندا، ويىن- ساۋىق مەكەمەلەرىنىڭ (كاراوكە، كومپيۋتەرلىك كلۋبتار، تۇنگى جانە ويىن كلۋبتارى، بوۋلينگتەر، بيليارد بولمەلەرى، سيركتەر) قىزمەتىنە تىيىم سالىنادى؛
- بانكەت زالدارى؛
- بالالار ويىن- ساۋىق ورتالىقتارى (ويىن الاڭدارى، جابىق بولمەلەردەگى اتتراكسيوندار)؛
- جەكسەنبى كۇندەرى ساۋنا قىزمەتىنە تىيىم سالىنادى. سونداي-اق، ەكىنشى دەڭگەيدەگى بانكتەرگە جانە «قازپوشتا» ا ق، ح ق ك و بولىمشەلەرىنە جۇمىس ۋاقىتى بويىنشا ساعات 9.00 دەن 18.00 گە دەيىن شەكتەۋ بەلگىلەنگەن. مەملەكەتتىك ورگانداردىڭ (ۇيىمداردىڭ، كاسىپورىنداردىڭ)، كۆازيمەملەكەتتىك سەكتور ورگاندارىنىڭ جانە ت. ب. باسشىلارى وندىرىستىك قاجەتتىلىككە بايلانىستى، ءبىراق قىزمەتكەرلەردىڭ كەمىندە %50 ىن قاشىقتىقتان جۇمىس نىسانىنا اۋىستىرۋ قاجەت. مەكتەپكە دەيىنگى مەكەمەلەرگە 25 ادامنان اسپايتىن توپتاردىڭ جيناقتالۋىن ساقتاعان كەزدە كەزەكشى توپتاردىڭ قىزمەتىنە رۇقسات ەتىلەدى. مادەنيەت وبەكتىلەرىنە (تەاترلار، كينوتەاترلار، مادەنيەت ۇيلەرى، كىتاپحانالار، مۇراجايلار جانە ت. ب. ) %20 دان اسپايتىن، ءبىراق 50 ادامنان اسپايتىن ادامدارمەن جۇمىس ىستەۋگە رۇقسات ەتىلەدى. سونداي- اق ءدىني مەكەمەلەردە (مەشىتتەر، شىركەۋلەر، سوبورلار، سيناگوگالار جانە باسقالار) ۇجىمدىق ءىس- شارالار وتكىزۋگە تىيىم سالىنادى.
كورەرمەندەرمەن سپورتتىق ءىس- شارالاردى وتكىزۋگە تىيىم سالىنادى. مەديتسينالىق جانە ستوماتولوگيالىق ۇيىمدار تەك الدىن- الا جازىلۋ ارقىلى جۇمىس ىستەيدى. سونىمەن بىرگە بۇقارالىق ءىس- شارالاردى (مەرەكەلىك، مادەني- كوپشىلىك جانە ويىن- ساۋىق ءىس- شارالارىن، سونداي-اق وتباسىلىق، ەستەلىك ءىس- شارالاردى (بانكەتتەر، ۇيلەنۋ تويلارى، مەرەيتويلار، ەسكە الۋ) جانە كورپوراتيۆتەردى، ونىڭ ىشىندە ۇيدە جانە ادامدار كوپ جينالاتىن وزگە دە ءىس- شارالاردى ۇيىمداستىرۋعا جانە وتكىزۋگە تىيىم سالۋ ساقتالىپ وتىرعانىن ەسكەرتەمىز.
وسى قاۋلى 2021 -جىلعى 15-ناۋرىز كۇنى ساعات 00 دەن باستاپ كۇشىنە ەنەدى.
اۆتور: اگاتا مۋحامەدجانوۆا