اقپاننىڭ 15 ىنە ارنالعان اۋا رايى بولجامى
ق ر تەرريتورياسىنىڭ اۋا رايىندا كۇرت وزگەرىستەر كۇتىلمەيدى. ەلىمىزدىڭ باسىم بولىگىندە جوعارى قىسىم اۋماعى جاۋىن-شاشىنسىز اۋا رايىن ساقتاسا، باتىس، سولتۇستىك-باتىس جانە سولتۇستىك اۋداندارىنا تسيكلون جىراسى ءوز اسەرىن ساقتايدى - جاۋىن-شاشىن (جاڭبىر، قار) جاۋادى، كوكتايعاق، جاياۋ بۇرقاسىن كۇتىلەدى.
رەسپۋبليكا بويىنشا كەي جەرلەردە تۇمان، جەلدىڭ كۇشەيۋى ساقتالادى. اقمولا، قوستاناي وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن بولىپ، 15-20 م/س جىلدامدىقپەن جەل سوعادى.
سولتۇستىك قازاقستان وبلىسىندا كەي جەرلەردە جاياۋ بۇرقاسىن، كوكتايعاق، باسىم بولىگىندە جەلدىڭ 15-20، كەي جەرلەردە ەكپىنى 25 م/س كۇشەيۋى كۇتىلەدى.
اقتوبە، باتىس قازاقستان وبلىستارىندا كەي جەرلەردە تۇمان، جاياۋ بۇرقاسىن، جەلدىڭ جىلدامدىعى 15-20 م/س جەتەدى.
الماتى، جامبىل، تۇركىستان، قىزىلوردا، ماڭعىستاۋ، پاۆلودار، قاراعاندى، شىعىس قازاقستان، تۇندە اتىراۋ وبلىستارىندا كەي جەرلەردە تۇمان، پاۆلودار وبلىسىندا - كوكتايعاق، الماتى وبلىسىنىڭ جالاڭاشكول اۋدانىندا جەلدىڭ 17-22 م/س كۇشەيۋى، كۇندىز شىعىس قازاقستان وبلىسىنىڭ كەي جەرلەرىندە جەلدىڭ 15-20 م/س كۇشەيۋى كۇتىلەدى.