قازاقستاندىق وتباسىلاردىڭ شامامەن 15 پايىزى بالا سۇيە الماي ءجۇر

الماتى. قازاقپارات - بەدەۋلىك - ءاربىر ونىنشى قازاقستاندىق وتباسىنىڭ اجىراسۋىنىڭ ءبىر سەبەبى.

بۇل تۋرالى قازاقستان رەپرودۋكتيۆتى مەديتسينا قاۋىمداستىعىنىڭ پرەزيدەنتى، اكادەميك ۆياچەسلاۆ لوكشين اسفەندياروۆ اتىنداعى قازۇمۋ- دا مەديتسينالىق جۋرناليستيكا كۋرسىندا سويلەگەن سوزىندە ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قازاقستاندا بەدەۋلىكتىڭ جيىلىگى شامامەن %15 دى قۇرايدى.

«جىل سايىن ماماندارعا 20,5 مىڭعا جۋىق جۇپ جۇگىنەدى، ولاردىڭ %40-45- ى كومەكشى رەپرودۋكتيۆتى تەحنولوگيا جۇرگىزۋدى قاجەت ەتەدى. بۇگىنگى تاڭدا 100 ەرلى- زايىپتىنىڭ 34 ءى اجىراسقان. اجىراسۋ جاعدايلارىنىڭ %10 سەبەبى - بالالاردىڭ بولماۋى»، - دەدى ۆياچەسلاۆ لوكشين.

رەپرودۋكتولوگ اتاپ وتكەندەي، بەدەۋلىك - ەكى ادامنىڭ پروبلەماسى، ونى بىرلەسىپ شەشۋ قاجەت.

«مەن ايتىپ وتكەندەي، وتباسىندا بالالاردىڭ جوقتىعى ايەلدەردى عانا الاڭداتپايدى. ە ك ۇ- عا كەلگەندەردىڭ %50 ەر ادامدار. ەگەر ەرلى- زايىپتىلار بالالى بولا الماسا، ولار ە ك ۇ- عا جۇگىنەدى. تەكسەرۋ كەزىندە نەگىزگى فاكتورلار بەلگىلى بولادى. ەمدەۋدىڭ بارلىق پروتسەسى - ۋاقىتتى، كۇش- جىگەردى جانە جاقسىلىققا دەگەن سەنىمدى قاجەت ەتەتىن جول. سوندىقتان مۇندا ناۋقاستاردىڭ پسيحولوگيالىق جاعدايى بەلگىلى ءرول اتقارادى»، - دەپ اتاپ ءوتتى سپيكەر.

ۆياچەسلاۆ لوكشيننىڭ ايتۋىنشا، ەلدە بالالى بولۋعا ىنتالاندىراتىن وتباسىلىق ساياسات بولۋى كەرەك.

«باسقا ەلدەرمەن سالىستىرعاندا بىزدە بالا تۋۋ بويىنشا كورسەتكىشتەر وڭ. بۇل - وتە جاقسى كورسەتكىش»، - دەدى ول.

ەسكە سالا كەتەيىك، پرەزيدەنت ۇكىمەتكە 2021 -جىلدان باستاپ «اڭساعان ءسابي» ارنايى باعدارلاماسىن ىسكە قوسۋدى، سونداي- اق مەملەكەت باسشىسى «ە ك ۇ» باعدارلاماسى بويىنشا كۆوتا سانىن 7 مىڭعا دەيىن، ياعني 7 ەسەگە ارتتىرۋدى تاپسىردى.